ചിറ്റൂരിൽ പ്രഭാതസവാരിക്കിറങ്ങിയ മാധ്യമപ്രവർത്തകൻ ജഗന്മോഹൻ റെഡ്ഡി കൊലചെയ്യപ്പെട്ടു. ബൈക്കിൽ വന്ന അജ്ഞാത സംഘം അദ്ദേഹത്തെ പിന്തുടർന്ന് ആക്രമിച്ചു. രക്ഷപ്പെടാൻ ശ്രമിച്ചപ്പോൾ പിടികൂടി കുത്തിക്കൊലപ്പെടുത്തിയതായി പോലീസ് അറിയിച്ചു. സംഭവസ്ഥലത്തുതന്നെ മരണമടഞ്ഞ ജഗന്മോഹന് റെഡ്ഡിയെ ആശുപത്രിയിലേക്ക് മാറ്റി. പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുകൊടുക്കും.
കൊലപാതകത്തിന്റെ കാരണം ഇനിയും വ്യക്തമല്ല. സംഭവം അന്വേഷിച്ച് പോലീസ് സി.സി.ടി.വി ദൃശ്യങ്ങളെ അടിസ്ഥാനമാക്കി അന്വേഷണം നടത്തുന്നു. പ്രതികളെ പെട്ടെന്ന് കണ്ടെത്തി നിയമത്തിന് മുന്നിൽ കൊണ്ടുവരണം എന്നാവശ്യപ്പെട്ട് മാധ്യമപ്രവർത്തകരുടെ സംഘടനകൾ രംഗത്തെത്തി. സംഭവം സംബന്ധിച്ച് പോലീസ് ഉന്നത ഉദ്യോഗസ്ഥർ പ്രതികരിക്കുകയുണ്ടായി.
Photo and News Source: Siraj Live
