പശ്ചിമ ബംഗാളിലെ നിയമസഭാ തെരഞ്ഞെടുപ്പിന്റെ രണ്ടാംഘട്ട വോട്ടെടുപ്പിന്റെ പരസ്യ പ്രചാരണം ഒടുവിലായി. നാളത്തെ നിശബ്ദ പ്രചാരണത്തിന് ശേഷം 142 മണ്ഡലങ്ങളിൽ വിധിയെഴുതും.
രണ്ടാംഘട്ട പ്രചാരണത്തിൽ ബിജെപിയും തൃണമൂല് കോണ്ഗ്രസും തീവ്രമായ പ്രചാരണം നടത്തി. പ്രധാനമന്ത്രി നരേന്ദ്രമോദിയും മുഖ്യമന്ത്രി മമത ബാനർജിയും അവസാനഘട്ട പ്രചാരണത്തിന് നേതൃത്വം നൽകി. മമതയുടെ പദയാത്രയും ജനസഭയും വോട്ടിന്റെ ദിശ മാറ്റുമെന്ന് തൃണമൂല് പ്രതീക്ഷിക്കുന്നു.
ബിജെപി, തൃണമൂല് കോണ്ഗ്രസ് എന്നിവയെ ബംഗാളിന്റെ ഭാവിക്ക് ഭീഷണിയായി കോണ്ഗ്രസും സിപിഎമ്മും വിമർശിച്ചു. പ്രചാരണത്തിനിടെ ഹൂഗ്ലിയിൽ അക്രമമുണ്ടായി. ടിഎംസി എം.പി മിതാലി ബാഗിന്റെ കാര് തകര്ത്തതായി ആരോപിച്ചു. പരിശോധനകളിൽ പലയിടത്തും ബോംബുകളും കണ്ടെത്തി.
ഏപ്രിൽ 23-ന് നടന്ന ആദ്യഘട്ട വോട്ടെടുപ്പിൽ 91.78% പോളിങ് രേഖപ്പെടുത്തി. എസ്ഐആറിൽ നിന്ന് 91 ലക്ഷം പേരെ പുറത്താക്കിയതിനെത്തുടർന്ന്, മറ്റു സംസ്ഥാനങ്ങളിൽ ജോലി ചെയ്യുന്നവർ വലിയതോതിൽ വോട്ടുചെയ്തതാണ് ഉയർന്ന പോളിങ് ഉണ്ടാകാൻ കാരണം.
Photo and News Source: Sathyam Online
