ബമാകോ: മാലിയുടെ പ്രതിരോധ മന്ത്രി ജനറൽ സാഡിയോ കമാരയുടെ വസതിക്ക് മുന്നിൽ നടന്ന കാർ ബോംബ് സ്ഫോടനത്തിൽ അദ്ദേഹം കൊല്ലപ്പെട്ടു. അദ്ദേഹത്തിന്റെ ഭാര്യയും രണ്ട് പേരക്കുട്ടികളും ഈ ആക്രമണത്തിൽ മരണമടഞ്ഞു. 2020-ൽ സൈന്യം അധികാരം പിടിച്ചെടുത്തതിന് ശേഷം മാലി നേരിടുന്ന ഏറ്റവും വലിയ സുരക്ഷാ വെല്ലുവിളിയാണിത്.
തലസ്ഥാനമായ ബമാകോയ്ക്ക് പുറത്തുള്ള കാറ്റി സൈനിക താവളത്തിലെ വസതിയായിരുന്നു ലക്ഷ്യം. അൽ-ഖ്വയ്ദയുമായി ബന്ധമുള്ള സായുധ സംഘമാണ് ഈ ആക്രമണം നടത്തിയത്. ടുവാരെഗ് വിമതരുടെ സംഘടനയായ ആസാവാദ് ലിബറേഷൻ ഫ്രണ്ടും (FLA) ജമാഅത്ത് നുസ്രത്ത് അൽ-ഇസ്ലാം വാൾ-മുസ്ലിമിനും (JNIM) സംയുക്തമായാണ് ആക്രമണം ആസൂത്രണം ചെയ്തത്.
വടക്കൻ നഗരമായ കിഡാൽ വിമതർ പൂർണ്ണമായും പിടിച്ചെടുത്തതായി റിപ്പോർട്ടുകൾ സൂചിപ്പിക്കുന്നു. സൈന്യത്തിന്റെ ആത്മവിശ്വാസം തകർക്കുക എന്ന ലക്ഷ്യത്തോടെയാണ് വിമതർ നഗരങ്ങൾ ലക്ഷ്യമിടുന്നത്. സഹേൽ മേഖലയിലെ അസ്ഥിരത കൂടുതൽ വഷളാകുകയാണ്. ഇന്ത്യക്കാർക്ക് നേരത്തെ തന്നെ എംബസ്സി ജാഗ്രതാ നിർദ്ദേശം നൽകിയിട്ടുണ്ട്.
Photo and News Source: Janmabhumi
