റിയാദിലെ ഒരു സാധാരണ ദിവസം. വാട്സാപ്പിൽ ഒരു അപരിചിത സന്ദേശം. “എന്റെ പേര് ലക്ഷ്മി… കൊട്ടാരക്കരയാണ് നാട്… എന്റെ മകൻ 13 വർഷമായി റിയാദിൽ ഡ്രൈവറാണ്… തിരികെ എത്തിക്കാമോ…?”
വാക്കുകളിൽ അമ്മയുടെ വേദന മുഴുവൻ. ഫോൺ നമ്പറും ഉണ്ടായിരുന്നു. വിളിച്ചപ്പോൾ, “ഹലോ… സനിൽകുമാർ?” “അതെ… ആരാണ്?” “ഞാൻ റാഫി പാങ്ങോട്… സോഷ്യൽ വർക്കർ… നിങ്ങളുടെ അമ്മയുടെ സന്ദേശം കിട്ടിയതുകൊണ്ടാണ് വിളിക്കുന്നത്…”
നിശ്ശബ്ദത്തിനു ശേഷം, “എപ്പോൾ വേണമെങ്കിലും വരാം…”
ഷിഫയിലെ വലിയ കൊട്ടാരം പോലെയുള്ള വീട്ടിലേക്ക്. പൂന്തോട്ടം, പക്ഷികൾ, മാൻകുട്ടികൾ… വീൽചെയറിൽ ഇരുന്ന് ചിരിക്കുന്ന ഖാലിദ് മുത്തേരി. “ഇവന്റെ നാട്ടിൽ നിന്നാണ് ഞാൻ വന്നത്…”
“നിനക്ക് അമ്മയെ കാണണ്ടേ?” ഖാലിദ് ചോദിച്ചു. സനിൽകുമാരുടെ കണ്ണുകൾ നിറഞ്ഞു. “ഞാൻ പോയാൽ വാപ്പയെ ആരാണ് നോക്കുന്നത്…?”
“എന്റെ മൂന്നാം വയസ്സിൽ അച്ഛൻ പോയി… ഇവിടെ വന്നതിനു ശേഷമാണ് അച്ഛന്റെ സ്നേഹം അനുഭവിച്ചത്…”
ഖാലിദ് സ്പോൺസർ മാത്രമല്ല… വാപ്പ ആയിരുന്നു. രക്തബന്ധം അല്ലെങ്കിലും, അതിലധികം ശക്തമായിരുന്നു അവരുടെ ബന്ധം.
Photo and News Source: Sathyam Online
