സോഷ്യൽ മീഡിയയിൽ വ്യാപകമായി പ്രചരിച്ച വീഡിയോയിലൂടെ മുരളി കുന്നുംപുറത്ത് തന്റെ വ്യക്തിജീവിതത്തെയും ബിസിനസ്സ് പരാജയത്തെയും കുറിച്ച് വെളിപ്പെടുത്തി. 'വെള്ളം' എന്ന സിനിമയുടെ നിർമ്മാതാവായ അദ്ദേഹം, സിനിമയിൽ നിന്നും 7 കോടി രൂപ നഷ്ടമുണ്ടായെന്നും വിദേശത്തേക്ക് കയറ്റിയ ടൈലസിന്റെ കോടികണക്കിന് രൂപ ലഭിച്ചില്ലെന്നും വെളിപ്പെടുത്തി.
ആത്മഹത്യയുടെ വക്കിലാണെന്നും കടക്കാർ തന്നെ ജീവിക്കാൻ അനുവദിക്കുന്നില്ലെന്നും അദ്ദേഹം പറഞ്ഞു. സംവിധായകരെതിരെ കടുത്ത വിമർശനവും ഉയർത്തി. വീഡിയോയിൽ പറഞ്ഞതെല്ലാം സത്യമാണെന്ന് അദ്ദേഹം സ്ഥിരീകരിച്ചു. ഒരാഴ്ച മുമ്പ് അപ്ലോഡ് ചെയ്ത വീഡിയോ പിന്നീട് പിൻവലിച്ചെങ്കിലും, പലരും ചേർന്ന് അതു പുനർപ്രചരിപ്പിച്ചു.
ബിസിനസ്സിലും വലിയ തകർച്ച അനുഭവപ്പെട്ടു. പലരും തന്നെ ചതിച്ചു, കോടികണക്കിന് രൂപ നഷ്ടമുണ്ടായി. ഇപ്പോഴും മാനസിക സംഘർഷത്തിലാണെന്നും കുറച്ച് സുഹൃത്തുക്കൾ മാത്രം ഒപ്പമുണ്ടെന്നും അദ്ദേഹം വ്യക്തമാക്കി. ബിസിനസ്സിലൂടെ നഷ്ടപ്പെട്ടത് തിരിച്ചു പിടിക്കണമെന്നാണ് അദ്ദേഹത്തിന്റെ ആഗ്രഹം.
Photo and News Source: Kerala Online News
