ടാക്സി പെർമിറ്റില്ലാതെ സർവീസ് നടത്തുന്ന ഓൺലൈൻ ബൈക്ക് ടാക്സികൾക്കെതിരെ കർശന നടപടി സ്വീകരിക്കണമെന്ന് ഭാരതീയ കാംഗാർ സേന (BKS) ആവശ്യപ്പെട്ടു. ഗതാഗത വകുപ്പ് ഇക്കാര്യത്തിൽ അടിയന്തരമായി ഇടപെടണമെന്നും, അല്ലാത്തപക്ഷം തങ്ങൾ നേരിട്ട് രംഗത്തിറങ്ങി ഇത്തരം ബൈക്കുകൾ തടയുമെന്നും സംഘടന മുന്നറിയിപ്പ് നൽകി.
കൊച്ചിയിൽ ചേർന്ന ഭാരതീയ കാംഗാർ സേനയുടെ സംസ്ഥാന കമ്മിറ്റി യോഗത്തിലാണ് ഈ തീരുമാനം കൈക്കൊണ്ടത്. ശിവസേന യു.ബി.ടി സംസ്ഥാന പ്രസിഡന്റ് സജി തുരുത്തിക്കുന്നേൽ യോഗം ഉദ്ഘാടനം ചെയ്തു. ബി.കെ.എസ് സംസ്ഥാന സെക്രട്ടറി താമരക്കുളം രവി അധ്യക്ഷത വഹിച്ച യോഗത്തിൽ സംഘടനയിലെ പ്രമുഖ നേതാക്കൾ പങ്കെടുത്തു.
ശിവസേന സംസ്ഥാന സെക്രട്ടറി പെരിങ്ങമല അജി, വൈസ് പ്രസിഡന്റ് അജയൻ കെ. ചപ്പാത്ത്, ജോയിന്റ് സെക്രട്ടറി കെ.വൈ. കുഞ്ഞുമോൻ എന്നിവർ സംസാരിച്ചു. കൂടാതെ സുരേഷ്കുമാർ, ടി.കെ. അരവിന്ദൻ, ജേക്കബ് കെ. തോമസ്, പ്രമോദ്, നിഷാദ് വെണ്ണല തുടങ്ങിയവരും യോഗത്തിൽ പങ്കെടുത്തു. നിയമവിരുദ്ധമായി പ്രവർത്തിക്കുന്ന ഓൺലൈൻ ബൈക്ക് ടാക്സികൾക്കെതിരെ ശക്തമായ പ്രതിഷേധം തുടരുമെന്ന് ഭാരവാഹികൾ വ്യക്തമാക്കി.
Photo and News Source: Kerala Kaumudi Latest
