കൊല്ലം തീരത്ത് വീണ്ടും മത്തി ചാകര അനുഭവപ്പെട്ടതോടെ തീരപ്രദേശം ജനനിബിഡമായി. കടലിൽ നിന്ന് വൻതോതിൽ മത്തി കരയിലേക്ക് അടിച്ചുകയറിയതോടെ മീൻ പിടിക്കാനും ശേഖരിക്കാനും വലിയ തിരക്കാണ് അനുഭവപ്പെട്ടത്. വിവരമറിഞ്ഞ് നാട്ടുകാരും സന്ദർശകരും ഉൾപ്പെടെ നിരവധി പേരാണ് തീരത്തേക്ക് ഒഴുകിയെത്തിയത്.
വളരെ കുറഞ്ഞ സമയം കൊണ്ട് തന്നെ വലിയ അളവിൽ മത്തി ലഭിച്ചതോടെ ആളുകൾ ആവേശത്തോടെ മീൻ പെറുക്കി കൂട്ടി. സാധാരണയായി കടലിൽ ഇത്തരം പ്രതിഭാസങ്ങൾ ഉണ്ടാകുമ്പോൾ തീരദേശവാസികൾക്ക് അത് വലിയൊരു ആഘോഷമായി മാറാറുണ്ട്. ഇത്തവണയും പതിവ് തെറ്റിക്കാതെ വലിയൊരു ജനക്കൂട്ടം തന്നെ മീൻ ശേഖരിക്കാൻ തടിച്ചുകൂടി.
കടലിലെ മാറ്റങ്ങളും മത്സ്യങ്ങളുടെ സഞ്ചാരപാതയുമാണ് ഇത്തരത്തിൽ മത്തി കരയോട് ചേർന്ന് വരാൻ കാരണമാകുന്നത്. എന്തായാലും കൊല്ലം തീരത്ത് ഉണ്ടായ ഈ മത്തി ചാകര പ്രദേശവാസികൾക്ക് വലിയ സന്തോഷമാണ് നൽകിയത്. വലിയ തോതിൽ മീൻ ലഭിച്ചതോടെ പലരും ചാക്കുകളിലും പാത്രങ്ങളിലും മീൻ നിറച്ചാണ് മടങ്ങിയത്.
Photo and News Source: Marunadan Malayali
