അങ്കമാലിയിൽ മാനസിക വെല്ലുവിളി നേരിടുന്ന പതിനാറുകാരിയെ പീഡിപ്പിച്ച സംഭവത്തിൽ ഉത്തർപ്രദേശ് സ്വദേശിയായ രാജേഷിനെ പോലീസ് അറസ്റ്റ് ചെയ്തു. അങ്കമാലി വിഐപി സ്ട്രീറ്റിൽ ഇന്നലെ ഉച്ചയോടെയായിരുന്നു ഞെട്ടിക്കുന്ന സംഭവം നടന്നത്. പെൺകുട്ടിയുടെ വീടിന് സമീപത്താണ് പ്രതി താമസിച്ചിരുന്നത്.
വീട്ടിൽ ആരും ഇല്ലാത്ത സമയം നോക്കി പ്രതി അതിക്രമിച്ചു കയറുകയായിരുന്നു. ജോലിക്കായി പോകുന്ന വഴിയിലുള്ള പെൺകുട്ടിയുടെ വീടിനെക്കുറിച്ചും സാഹചര്യങ്ങളെക്കുറിച്ചും പ്രതിക്ക് വ്യക്തമായ അറിവുണ്ടായിരുന്നുവെന്നാണ് പ്രാഥമിക വിവരം. ഇത് മുതലെടുത്താണ് ഇയാൾ ക്രൂരകൃത്യം നടത്തിയത്.
സംഭവം നടന്ന ഉടൻ തന്നെ നാട്ടുകാർ ഇടപെട്ട് പ്രതിയെ പിടികൂടുകയും അങ്കമാലി പോലീസിന് കൈമാറുകയുമായിരുന്നു. പോലീസെത്തി പ്രതിയെ കസ്റ്റഡിയിലെടുത്ത് തുടർനടപടികൾ സ്വീകരിച്ചു. സംഭവത്തിൽ അങ്കമാലി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Photo and News Source: Kairali News
