അദാനി പോർട്ട്സ് ആൻഡ് സ്പെഷ്യൽ ഇക്കണോമിക് സോണിന്റെ (APSEZ) പ്രൊമോട്ടർ ഗ്രൂപ്പ് കമ്പനിയുടെ 2 ശതമാനം ഓഹരികൾ വിറ്റഴിച്ചു. ഓപ്പൺ മാർക്കറ്റിലൂടെയായിരുന്നു ഈ ഇടപാട്. 7,486.20 കോടി രൂപയുടെ ഓഹരികൾ കൈമാറിയതോടെ, ചൊവ്വാഴ്ച NSE-ൽ അദാനി പോർട്ട്സിന്റെ ഓഹരി വില 1.721 രൂപയായി 1 ശതമാനത്തിലധികം ഇടിഞ്ഞു.
'വേൾഡ് വൈഡ് എമർജിംഗ് മാർക്കറ്റ് ഹോൾഡിംഗ് ലിമിറ്റഡ്' എന്ന പ്രൊമോട്ടർ സ്ഥാപനമാണ് 1.99 ശതമാനം ഓഹരി വിറ്റഴിച്ചത്. ഇത് 3.74 ശതമാനത്തിൽ നിന്ന് 1.75 ശതമാനമായി കുറഞ്ഞു. അമേരിക്ക ആസ്ഥാനമായ 'ക്യാപിറ്റൽ ഗ്രൂപ്പ്' ഈ ഓഹരികൾ വാങ്ങി. ഇതോടെ പ്രൊമോട്ടർ ഗ്രൂപ്പിന്റെ ആകെ ഓഹരി 68.02 ശതമാനത്തിൽ നിന്ന് 66.03 ശതമാനമായി.
APSEZ-ന്റെ ഏപ്രിൽ മാസത്തെ റിപ്പോർട്ടിൽ കാർഗോ വോളിയത്തിൽ 15 ശതമാനം വളർച്ച രേഖപ്പെടുത്തി. 43.1 ദശലക്ഷം മെട്രിക് ടൺ ചരക്കാണ് കൈകാര്യം ചെയ്തത്. കണ്ടെയ്നർ, ഡ്രൈ കാർഗോ വിഭാഗങ്ങളിൽ 17 ശതമാനം വളർച്ചയുണ്ടായപ്പോൾ, റെയിൽ ലോജിസ്റ്റിക്സ് 16 ശതമാനം ഇടിഞ്ഞു. കമ്പനിയുടെ മൊത്തം വിപണി മൂല്യം 4,00,094 കോടി രൂപയാണ്. കഴിഞ്ഞ വർഷം ഓഹരി 32.22 ശതമാനം മുതൽ 34.72 ശതമാനം വരെ നേട്ടം നൽകി.
Photo and News Source: Dhanam
