ചെന്നൈ: തമിഴ്നാട് നിയമസഭാ തെരഞ്ഞെടുപ്പിൽ ഡിഎംകെയ്ക്ക് നേരിട്ട പരാജയത്തെ തുടർന്ന് മുഖ്യമന്ത്രി എം.കെ. സ്റ്റാലിൻ ഒരു വൈകാരിക കുറിപ്പ് പുറത്തിറക്കി. തനിക്ക് വോട്ട് ചെയ്യാൻ കഴിഞ്ഞവർക്കു മാത്രമല്ല, വോട്ട് ചെയ്യാൻ മറന്നവർക്കും വേണ്ടി ഭരിച്ചതായാണ് അദ്ദേഹം കുറിപ്പിൽ പറഞ്ഞത്.
മനസാക്ഷിയോടെ നീതി പുലർത്തിയെന്നും, തന്റെ കഴിവിനപ്പുറം അധ്വാനിച്ചെന്നും സ്റ്റാലിൻ കുറിപ്പിൽ സൂചിപ്പിച്ചു. ഭരണനേട്ടങ്ങളെ മാത്രം മുൻനിർത്തി വോട്ട് തേടിയില്ലെന്നും അദ്ദേഹം വ്യക്തമാക്കി.
രാഷ്ട്രീയ ജീവിതത്തിൽ വിജയങ്ങളും പരാജയങ്ങളും കണ്ടെന്നും, ജയപരാജയങ്ങളെക്കാൾ നയവും പ്രത്യയശാസ്ത്രവും പ്രധാനമാണെന്നും സ്റ്റാലിൻ പറഞ്ഞു. തെരഞ്ഞെടുപ്പിൽ വിജയിച്ചവരെ അഭിനന്ദിച്ച അദ്ദേഹം ഡിഎംകെയുടെ യാത്ര തുടരുമെന്നും ഉറപ്പിച്ചു.
തെരഞ്ഞെടുപ്പ് ഫലങ്ങൾ തനിക്ക് പുതിയ പാഠങ്ങൾ പഠിപ്പിച്ചതായി സ്റ്റാലിൻ കുറിപ്പിൽ സൂചിപ്പിച്ചു. തന്റെ നേതൃത്വത്തിൽ ഡിഎംകെ വീണ്ടും ഉയരുമെന്ന വിശ്വാസവും അദ്ദേഹം പ്രകടിപ്പിച്ചു.
Photo and News Source: Sathyam Online
