തൃക്കരിപ്പൂരിൽ സിപിഐഎം ഓഫീസിനെ ലക്ഷ്യമാക്കി യുഡിഎഫ് പ്രവർത്തകർ ആക്രമണം നടത്തി. ഉഗ്രശേഷിയുള്ള പടക്കങ്ങൾ വലിച്ചെറിയുകയും പാർട്ടി ഓഫീസ് അടിച്ചുതകർത്ത് തീയിട്ടു. തെരഞ്ഞെടുപ്പ് വിജയാഘോഷത്തിന്റെ മറവിലായിരുന്നു ഈ സംഭവം.
പാലായിൽ കേരള കോൺഗ്രസ് എം ചെയർമാൻ ജോസ് കെ മാണിയുടെ വീടിനു നേരെയും യുഡിഎഫ് പ്രവർത്തകർ ആക്രമണം നടത്തി. മുറ്റത്തു കിടന്ന കാറുകളിൽ കല്ലെറിഞ്ഞു. വിജയാഘോഷം ചോദ്യം ചെയ്തതിനെ തുടർന്നാണ് സംഘർഷമുണ്ടായത്. പോലീസ് എത്തിയാണ് സമരം അവസാനിപ്പിച്ചത്.
തെരഞ്ഞെടുപ്പിൽ പരാജയപ്പെട്ടതിനെ തുടർന്ന് പാർട്ടി നേതൃത്വം കാരണങ്ങൾ ചർച്ച ചെയ്യും. എൽഡിഎഫിലും ചർച്ച നടത്തുമെന്ന് ജോസ് കെ മാണി പ്രസ്താവിച്ചു. ജനവിധി മാനിക്കുന്നുവെന്നും അദ്ദേഹം പറഞ്ഞു. പത്ത് വർഷത്തിനു ശേഷം യുഡിഎഫ് അധികാരത്തിൽ വരണമെന്ന ജനാഭിലാഷം പ്രതിഫലിച്ചതാണെന്ന് അദ്ദേഹം വ്യക്തമാക്കി.
Photo and News Source: Kairali News
