വോട്ടെണ്ണൽ ഫലങ്ങൾ പുറത്തുവരുന്നതോടെ കേരളത്തിൽ ശക്തമായ യുഡിഎഫ് തരംഗം ദൃശ്യമാണ്. ഹരീഷ് പേരടി തന്റെ പോസ്റ്റിലൂടെ എൽഡിഎഫിന്റെ അഹങ്കാരത്തെ വിമർശിച്ചു. ''അഹങ്കാരികളോട് കേരള ജനത പറയുന്നു, കടക്ക് പുറത്ത്'' എന്നാണ് അദ്ദേഹം കുറിച്ചത്.
യുഡിഎഫ് 97 മണ്ഡലങ്ങളിൽ മുന്നേറുമ്പോൾ എൽഡിഎഫ് 40 മണ്ഡലങ്ങളിലും എൻഡിഎ മൂന്ന് മണ്ഡലങ്ങളിലും മുന്നേറുന്നു. മുഖ്യമന്ത്രി പിണറായി വിജയൻ ആദ്യ ആറ് റൗണ്ടുകളിലും പിന്നിലായിരുന്നു. എഴാം റൗണ്ടിൽ മാത്രമാണ് അദ്ദേഹം ലീഡ് തിരിച്ചുപിടിച്ചത്.
മന്ത്രിമാരുടെ കൂട്ടത്തോടെയുള്ള പിന്നിലാകൽ വോട്ടെണ്ണലിന്റെ ആദ്യഘട്ടങ്ങളിൽ ദൃശ്യമായി. എംബി രാജേഷ്, റോഷി അഗസ്റ്റിൻ, ആർ ബിന്ദു, വിഎൻ വാസവൻ, വീണ ജോർജ്, ഗണേഷ് കുമാർ, വി. ശിവൻകുട്ടി, പി. രാജീവ്, കടന്നപ്പള്ളി രാമചന്ദ്രൻ, എകെ ശശീന്ദ്രൻ എന്നിവർ പിന്നിലായിരുന്നു.
Photo and News Source: Samakalika Malayalam
