പശ്ചിമ ബംഗാളിൽ നിയമസഭാ തെരഞ്ഞെടുപ്പിന്റെ വോട്ടെണ്ണൽ ഫലങ്ങൾ പുറത്തുവരുന്നതോടെ രാഷ്ട്രീയ ചിത്രം വ്യക്തമാകുന്നു. ആദ്യഘട്ട ഫലസൂചനകൾ പ്രകാരം ബിജെപി 124 സീറ്റുകളിലും, ഭരണകക്ഷിയായ തൃണമൂൽ കോൺഗ്രസ് 110 സീറ്റുകളിലും മുന്നേറുന്നു. കോൺഗ്രസും ഇടതുപക്ഷവും ഓരോ സീറ്റുകളിൽ മുന്നേറുന്നുണ്ട്. സംസ്ഥാനത്തെ പ്രധാന മുഖ്യമന്ത്രി മണ്ഡലമായ ഭവാനിപ്പൂരിൽ മമതാ ബാനർജി രണ്ടാം സ്ഥാനത്തേക്ക് പിന്തള്ളപ്പെട്ടു. ഇവിടെ ബിജെപി സ്ഥാനാർഥിയായ സുവേന്ദു അധികാരി മുന്നിൽ നിൽക്കുന്നു.
293 സീറ്റുകളുള്ള നിയമസഭയിൽ 147 സീറ്റുകൾ കേവല ഭൂരിപക്ഷത്തിന് ആവശ്യമാണ്. നിലവിൽ 245 സീറ്റുകളിലാണ് വോട്ടെണ്ണൽ പുരോഗമിക്കുന്നത്. എക്സിറ്റ് പോളുകളും ബിജെപിക്ക് മുൻതൂക്കം പ്രവചിച്ചിരുന്നു.
Photo and News Source: Newsthen
