ലഖ്നൗ: ഉത്തർപ്രദേശിൽ നടന്ന കൊലപാതകത്തിൽ ഭർത്താവ് അറസ്റ്റിലായി. മീററ്റിലെ ലിസരി ഗേറ്റ് സ്വദേശിനിയായ 25 കാരിയായ കൗസറിനെ കഴുത്തറച്ച് കൊലപ്പെടുത്തിയ സംഭവത്തിൽ ഭർത്താവ് സാഖിബിനെ പോലീസ് കസ്റ്റഡിയിലെടുത്തു. അവിഹിതബന്ധം സംശയിച്ച ഭാര്യയുമായുണ്ടായ തർക്കമാണ് കൊലപാതകത്തിന് കാരണമായതെന്ന് പോലീസ് വെളിപ്പെടുത്തി.
ഭാര്യയുടെ മൃതദേഹത്തിന് സമീപം പൊട്ടിക്കരഞ്ഞ സാഖിബ്, അജ്ഞാതന്റെ ആക്രമണത്തിൽ ഭാര്യ കൊല്ലപ്പെട്ടെന്നും മോഷണശ്രമത്തിനിടെയാണിതെന്നും മൊഴി നൽകി. എന്നാൽ, മക്കളെ ഭീഷണിപ്പെടുത്തി കള്ളമൊഴി പഠിപ്പിച്ചതും പരസ്പരവിരുദ്ധമായ മൊഴികളുമാണ് പോലീസിനെ സംശയാലുക്കളാക്കിയത്. വിശദമായ ചോദ്യം ചെയ്യലിന് ശേഷമാണ് സാഖിബ് കുറ്റം സമ്മതിച്ചത്.
വെള്ളിയാഴ്ച രാവിലെ 8 മണിയോടെ വീട്ടിനുള്ളിൽ കഴുത്തറച്ച നിലയിൽ കൗസറിന്റെ മൃതദേഹം കണ്ടെത്തി. ചോരയിൽ കുളിച്ച നിലയിലായിരുന്നു ശരീരം. മൂന്ന് പെൺമക്കളുടെ സാക്ഷ്യവും പ്രതിയെ കുറ്റവാളിയാക്കി. പേപ്പർ കട്ടർ ഉപയോഗിച്ചാണ് കൊലപാതകം നടന്നതെന്ന് പോലീസ് സ്ഥിരീകരിച്ചു.
Photo and News Source: Mathrubhumi
