കുട്ടികളുടെ ഭാവി നിർണ്ണയിക്കുന്ന പ്രധാന തീരുമാനമാണ് സ്കൂൾ തിരഞ്ഞെടുപ്പ്. വിദ്യാഭ്യാസ വിദഗ്ദ്ധർ മാർക്ക്, ഗ്രേഡ്, പേര് എന്നിവ മാത്രം അടിസ്ഥാനമാക്കി തീരുമാനമെടുക്കുന്നത് ശരിയല്ലെന്ന് അഭിപ്രായപ്പെടുന്നു.
വീടും സ്കൂളും തമ്മിലുള്ള ദൂരം ആദ്യം പരിഗണിക്കണം. ചെറിയ കുട്ടികൾക്ക് ദൈർഘ്യമേറിയ യാത്ര ശാരീരിക ക്ഷീണം, ഉറക്കക്കുറവ്, ആരോഗ്യപ്രശ്നങ്ങൾ എന്നിവ ഉണ്ടാക്കും. അതിനാൽ 5 കിലോമീറ്ററിനുള്ളിൽ ഉള്ള സ്കൂളുകളെ തിരഞ്ഞെടുക്കുന്നത് നല്ലത്.
സ്കൂളിന്റെ അടിസ്ഥാന സൗകര്യങ്ങളും സുരക്ഷയും പ്രധാനമാണ്. ശുചിത്വമുള്ള ക്ലാസ് മുറികൾ, വൃത്തിയായ ബാത്ത്റൂമുകൾ, സുരക്ഷിതമായ കെട്ടിടം, കളിസ്ഥലം, CCTV സംവിധാനങ്ങൾ എന്നിവ ഉറപ്പാക്കണം. ടീച്ചർ-സ്റ്റുഡന്റ് അനുപാതവും 20-30 കുട്ടികൾക്ക് ഒരു അധ്യാപകൻ എന്ന നിലയിൽ പരിഗണിക്കണം.
മാതാപിതാക്കളുടെ അഭിപ്രായം കേൾക്കാത്തതോ കുട്ടികളെ കുറ്റപ്പെടുത്തുന്നതോ ആയ സ്കൂളുകൾ ഒഴിവാക്കണം. കൂടാതെ, പഠനത്തിനൊപ്പം കല, സംഗീതം, കായികം തുടങ്ങിയ സഹപാഠ്യ പ്രവർത്തനങ്ങൾക്ക് പ്രാധാന്യം നൽകുന്ന സ്കൂളുകളെ തിരഞ്ഞെടുക്കുന്നത് കുട്ടികളുടെ സമഗ്ര വികസനത്തിന് സഹായകരമാണ്. ഓരോ കുട്ടിയും വ്യത്യസ്തമായതിനാൽ അവരുടെ കഴിവുകളും താൽപര്യങ്ങളും വളരാൻ അവസരം നൽകുന്ന സ്കൂളുകളെ തിരഞ്ഞെടുക്കുക.
Photo and News Source: Kerala Online News
