മൈസൂരിലെ നഴ്സിങ് കോളജ് ഹോസ്റ്റലുകളിൽ ഭക്ഷണം വിതരണം നടത്തിയിരുന്ന ഗ്ലോബൽ എജുക്കേഷൻ സർവീസ് എന്ന സ്ഥാപനം അടച്ചുപൂട്ടി. വിദ്യാർത്ഥികളുടെ പരാതിക്ക് ശേഷം ആരോഗ്യവകുപ്പ് ഉദ്യോഗസ്ഥർ മെസ്സിൽ പരിശോധന നടത്തി. ചിക്കൻ കറിയിൽ കോഴി തൂവലും ചോരയും, ചപ്പാത്തിയിൽ പ്ലാസ്റ്റിക്കും പാറ്റയും കണ്ടെത്തിയെന്നാണ് വിദ്യാർത്ഥികളുടെ ആരോപണം. തുടർച്ചയായ പരാതികൾക്കും നടപടിയില്ലാതിരുന്നതിനാലാണ് ഈ കടുത്ത നടപടി.
ലൈസൻസും റദ്ദാക്കിയിട്ടുണ്ട്. ഭക്ഷണ സാമ്പിളുകൾ ലാബിലേക്ക് അയച്ച് പരിശോധന നടത്തിയ ശേഷം കൂടുതൽ നടപടികൾ സ്വീകരിക്കുമെന്ന് ആരോഗ്യമന്ത്രി വ്യക്തമാക്കി. വിദ്യാർത്ഥികളോട് നാട്ടിലേക്ക് പോകാൻ കോളജ് അധികൃതർ നിർദ്ദേശിച്ചു. നിലവിലെ മെസ് സംവിധാനം പൂർണ്ണമായതിനു ശേഷം മാത്രമേ ക്ലാസുകൾ ആരംഭിക്കൂ.
നഴ്സിങ് ഹോസ്റ്റലുകളിലെ അഞ്ച് കോളജുകളിലേക്ക് ഭക്ഷണം വിതരണം ചെയ്തിരുന്ന ഗ്ലോബൽ എജുക്കേഷൻ സർവീസ് മലയാളി സ്ഥാപനമാണ്. വിദ്യാർത്ഥികളുടെ ആരോഗ്യവും സുരക്ഷയും ഉറപ്പാക്കാൻ സർക്കാർ കടും നടപടിയെടുത്തു.
Photo and News Source: Siraj Live
