തിരുവനന്തപുരം: കേരളത്തിൽ നിലനിൽക്കുന്ന കഠിനമായ വേനല്ചൂടിന് ആശ്വാസമായി വ്യാപകമായ വേനല്മഴ പ്രതീക്ഷിക്കുന്നുണ്ട്. വരുന്ന ദിവസങ്ങളിൽ ശക്തമായ മഴയ്ക്ക് സാധ്യതയുള്ളതിനാൽ കാലാവസ്ഥാ വകുപ്പ് എട്ട് ജില്ലകളില് യെലോ അലര്ട്ട് പ്രഖ്യാപിച്ചു. ആലപ്പുഴ, കോട്ടയം, ഇടുക്കി, എറണാകുളം, തൃശൂര്, കോഴിക്കോട്, വയനാട്, കണ്ണൂര് എന്നിവയാണ് ഈ ജില്ലകൾ.
നാളെ കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലും, തിങ്കളാഴ്ച ഇടുക്കി, പാലക്കാട്, മലപ്പുറം ജില്ലകളിലും യെല്ലോ അലേര്ട്ടാണ്. മണിക്കൂറില് 40 മുതൽ 50 കിലോമീറ്റര് വരെ വേഗതയില് വീശിയടിക്കാവുന്ന കാറ്റിനും ശക്തമായ ഇടിമിന്നലിനും സാധ്യതയുള്ളതിനാൽ പൊതുജനങ്ങള് ജാഗ്രത പാലിക്കേണ്ടതാണ്.
മഴയുടെ വരവോടെ താപനിലയിൽ നേരിയ കുറവ് രേഖപ്പെടുത്തിയിട്ടുണ്ട്. നിലവിൽ പാലക്കാട് 37.9 ഡിഗ്രി, കൊല്ലം 38 ഡിഗ്രി എന്നിങ്ങനെയാണ് പകൽ സമയത്തെ താപനില. ഉച്ചസമയങ്ങളില് ചൂട് കഠിനമായി തുടരുന്നു.
ഉയര്ന്ന അൾട്രാവയലറ്റ് ഇന്ഡക്സ് ആശങ്കയുയർത്തുന്നു. കോന്നി, ചങ്ങനാശ്ശേരി, മൂന്നാര്, ചെങ്ങന്നൂര് എന്നിവിടങ്ങളില് സൂര്യരശ്മികളുടെ തീവ്രത അപകടകരമായ അളവില് രേഖപ്പെടുത്തി. അമിതമായ അൾട്രാവയലറ്റ് രശ്മികള് സൂര്യാതപം, ചര്മ്മരോഗങ്ങള്, കണ്ണിന് അസുഖങ്ങള് എന്നിവയ്ക്ക് കാരണമാകും. വെയിലത്ത് ജോലി ചെയ്യുന്നവരും പുറത്തിറങ്ങുന്നവരും മതിയായ സുരക്ഷാ മുന്കരുതലുകള് സ്വീകരിക്കേണ്ടതാണ്. താഴ്ന്ന പ്രദേശങ്ങളിലും മലയോര മേഖലയിലുള്ളവരും പ്രത്യേക ശ്രദ്ധ പുലര്ത്തണം.
Photo and News Source: Janam TV
