മുംബൈ-പുണെ എക്സ്പ്രസ് വേയിലെ ‘മിസ്സിംഗ് ലിങ്ക്’ പാത വെള്ളിയാഴ്ച ഉദ്ഘാടനം ചെയ്തു. മുഖ്യമন্ত্রി ദേവേന്ദ്ര ഫഡ്നാവിസ് ചടങ്ങിൽ പങ്കെടുത്തു. ഉപമുഖ്യമന്ത്രിമാരായ ഏകനാഥ് ഷിൻഡെയും സുനേത്ര പവാറും സന്നിഹിതരായിരുന്നു.
പുതിയ പാതയിലൂടെ യാത്രചെയ്ത മുഖ്യമന്ത്രി, ഈ പാത മൂലം മുംബൈ-പുണെ യാത്രാസമയം 30 മിനിറ്റ് കുറയുമെന്ന് വ്യക്തമാക്കി. തിരക്കേറിയ ലോണാവാല-ഖണ്ഡാല ഘാട്ട് മേഖല ഒഴിവാക്കാനും ഈ പാത സഹായകരമാകും. രണ്ട് നഗരങ്ങളുടെ ദൂരം ആറ് കിലോമീറ്റർ കുറയുമെന്നും അദ്ദേഹം അറിയിച്ചു.
സുരക്ഷാ കാരണങ്ങളാൽ ആദ്യഘട്ടത്തിൽ ലഘുവാഹനങ്ങൾക്കും പാസഞ്ചർ ബസുകൾക്കുമേ പ്രവേശനം. കാറുകൾക്ക് 100 കിലോമീറ്റർ വേഗതയും ബസുകൾക്ക് 80 കിലോമീറ്ററുമാണ് നിശ്ചയിച്ചിരിക്കുന്നത്. ആറ് മാസത്തിനുശേഷം വലിയ വാഹനങ്ങളെ അനുവദിക്കാനുള്ള തീരുമാനം ഉണ്ടാക്കും.
13.3 കിലോമീറ്റർ നീളമുള്ള ഈ പാതയിൽ 23.75 മീറ്റർ വീതിയുള്ള രണ്ട് തുരങ്കങ്ങളും, 182 മീറ്റർ ഉയരമുള്ള കേബിൾ പാലവും ഉൾപ്പെടുന്നു. ലോണാവാല തടാകത്തിന് അടിയിലൂടെ കടന്നുപോകുന്ന പാത അത്ഭുതകരമായ നിർമ്മാണമാണ്.
Photo and News Source: Janam TV
