വാഷിംഗ്ടൺ: ഇറാൻ ആക്രമണത്തിനുള്ള തയ്യാറെടുപ്പുകൾ വീണ്ടും സജീവമാക്കുന്നതായി സൂചന ലഭിച്ചിട്ടുണ്ട്. ഇസ്രായേലിലേക്ക് 24 മണിക്കൂറിനുള്ളിൽ 6,500 ടൺ യുദ്ധോപകരണങ്ങൾ അമേരിക്ക അയച്ചു. ഇറാനെതിരെ സൈനിക നടപടിക്കായി യുഎസ് സെൻട്രൽ കമാൻഡ് (CENTCOM) പുതിയ പദ്ധതി തയ്യാറാക്കിയതായി റിപ്പോർട്ടുകൾ വ്യക്തമാക്കുന്നു.
CENTCOM, ഇറാനിയൻ തുറമുഖങ്ങളിൽ നാവിക ഉപരോധം സജീവമാക്കിയതോടൊപ്പം, പ്രസിഡന്റ് ഡൊണാൾഡ് ട്രംപിനെ ഈ പദ്ധതി അറിയിച്ചു. 6,000 ടണ്ണിലധികം യുദ്ധോപകരണങ്ങൾ ഇസ്രായേലിലേക്ക് കയറ്റി അയച്ചതിനെത്തുടർന്ന്, സെൻട്രൽ കമാൻഡ് തലവർ ട്രംപുമായി 45 മിനിറ്റ് കൂടിക്കാഴ്ച നടത്തി.
യുഎസ് പ്രസിഡന്റ് ഡൊണാൾഡ് ട്രംപ് ഇറാനിലെ പ്രധാന യുദ്ധ പ്രവർത്തനങ്ങൾ പുനരാരംഭിക്കാൻ പദ്ധതിയിടുന്നുണ്ടെന്ന അഭ്യൂഹങ്ങൾ ശക്തമാകുന്നു. ഇസ്രായേൽ പ്രതിരോധ മന്ത്രാലയത്തെ ഉദ്ധരിച്ച്, 6,500 ടൺ വ്യോമ, കര യുദ്ധോപകരണങ്ങൾ, സൈനിക ട്രക്കുകൾ, ജോയിന്റ് ലൈറ്റ് ടാക്റ്റിക്കൽ വെഹിക്കിൾസ് (ജെഎൽടിവികൾ) എന്നിവ വഹിച്ചുകൊണ്ട് രണ്ട് ചരക്ക് കപ്പലുകളും നിരവധി വിമാനങ്ങളും ഇസ്രായേലിൽ എത്തിയതായി റിപ്പോർട്ടുകൾ സൂചിപ്പിക്കുന്നു.
Photo and News Source: Sathyam Online
