കൊച്ചി: സംസ്ഥാനത്തെ സ്വര്ണവിലയിൽ ചെറിയ വര്ധനയുണ്ടായി. ഒരു പവന് സ്വര്ണത്തിന്റെ വില 1,10,480 രൂപയായി ഉയർന്നു. ഇത് 160 രൂപയാണ് വര്ധന. ഗ്രാമിന് 20 രൂപ വീതം കൂടി, 13,810 രൂപയായി. കഴിഞ്ഞ ദിവസങ്ങളിൽ എണ്ണവില ഉയർന്നതോടെ സ്വര്ണവിലയിൽ ഇടിവുണ്ടായിരുന്നു.
ബ്രെന്ഡ് ക്രൂഡിന്റെ വില ബാരലിന് 125 ഡോളറില് എത്തിയതാണ് സ്വര്ണവിലയെ സ്വാധീനിച്ചത്. പശ്ചിമേഷ്യയിലെ സംഘര്ഷവും, ഇറാനുമായുള്ള സമാധാന ചര്ച്ചകളിലെ അനിശ്ചിതത്വവും ഹോര്മുസ് കടലിടുക്കിലെ തടസ്സങ്ങളും ആഗോള വിപണിയെ ഉലച്ചു. ജനുവരി 29-ന് 1,31,160 രൂപയായിരുന്നു സ്വര്ണവിലയിലെ ഏറ്റവും ഉയർന്ന രേഖ. ഡിസംബറിൽ പവന് വില ആദ്യമായി ഒരു ലക്ഷം രൂപ കടന്നിരുന്നു.
Photo and News Source: Samakalika Malayalam
