പത്തനംതിട്ട ജില്ലയിലെ കലഞ്ഞൂരിൽ 2023 ഫെബ്രുവരിയിൽ നടന്ന അനന്തുവിന്റെ കൊലപാതകക്കേസിൽ പ്രതി ശ്രീകുമാറിന് ജീവപര്യന്തം കഠിന തടവും പിഴയും ശിക്ഷിച്ചു. പത്തനംതിട്ട സെഷൻസ് കോടതിയാണ് വിധി പ്രഖ്യാപിച്ചത്. ഭാര്യയുമായി ബന്ധമുണ്ടെന്ന സംശയത്തിൽ അനന്തുവിനെ അടിച്ചുകൊന്ന് കനാലില് തള്ളിയെന്നാണ് കുറ്റം. കൂട്ടുകാരോടൊപ്പം മദ്യപിക്കുമ്പോൾ അവിടെ എത്തിയ ശ്രീകുമാർ, അനന്തു ഒറ്റയ്ക്കാകാന് കാത്തിരുന്നുവെന്നാണ് വിശദാംശം.
സുഹൃത്തുക്കള് മടങ്ങിയതിനുശേഷം, പിന്നിലൂടെ എത്തി കമ്പി വടികൊണ്ട് അടിക്കുകയും, മൃതദേഹം 400 മീറ്റർ അകലെയുള്ള കനാലില് ഉപേക്ഷിക്കുകയും ചെയ്തു. പോലീസ് കണ്ടെത്തിയ കമ്പി വടിയും മൊബൈലും കുറ്റം തെളിയിക്കുന്ന തെളിവുകളായി. കോടതി, കുറ്റം അങ്ങേയറ്റം ഹീനമാണെന്ന് അഭിപ്രായപ്പെട്ടു.
Photo and News Source: Siraj Live
