കൊൽക്കത്തയിലെ ഡയമണ്ട് ഹാർബർ മണ്ഡലത്തിൽ ബിജെപി റീപോളിങ് ആവശ്യപ്പെട്ടു. പോളിങ് ബൂത്തുകളിൽ ബിജെപിയുടെ താമര ചിഹ്നം ടേപ്പ് ഒട്ടിച്ച് മറച്ച സംഭവങ്ങൾ പുറത്തുവന്നതായി ബിജെപി ആരോപിച്ചു.
144-ാം നമ്പർ ബൂത്തിന്റെ ഹരിദം ഹൈസ്കൂളിലെ ബൂത്തിൽ നിന്നുള്ള വീഡിയോയിലാണ് ഈ സംഭവം രേഖപ്പെടുത്തിയിരിക്കുന്നത്. ബിജെപി പ്രവർത്തകരെ വോട്ട് ചെയ്യുന്നതിൽ നിന്ന് തടയാൻ നടക്കുന്ന സംഘടിത ശ്രമമാണിതെന്ന് ബിജെപി അവകാശപ്പെടുന്നു.
മമതാ ബാനർജിയുടെ അനന്തരവനും ടിഎംസി എംപിയുമായ അഭിഷേക് ബാനർജിയുടെ സ്വാധീനമുള്ള പ്രദേശമാണ് ഫാൽത്ത. കഴിഞ്ഞ ദിവസം ബിജെപി പ്രവർത്തകരെ അഭിഷേക് ഭീഷണിപ്പെടുത്തുന്ന ദൃശ്യങ്ങളും പുറത്തുവന്നിരുന്നു.
ഫാൽത്തയിലെ ടിഎംസി സ്ഥാനാർത്ഥി ജഹാംഗീർ ഖാൻ ക്രിമിനൽ പശ്ചാത്തലമുള്ളവനാണ്. മുൻപത്തെ തെരഞ്ഞെടുപ്പുകളിൽ ഇയാളെതിരെ ക്രമക്കേടുകൾ ആരോപിക്കപ്പെട്ടിരുന്നു. ഇതിനെ തുടർന്ന് ജഹാംഗീർ ഖാന്റെ വീടിനു ചുറ്റും കേന്ദ്ര സേന നിലയുറപ്പിച്ചിരുന്നു.
ബിജെപി നേതാവ് സുവേന്ദു അധികാരി കേന്ദ്ര ആഭ്യന്തര മന്ത്രി അമിത് ഷായോടും ഭൂപേന്ദ്ര യാദവിനോടും ഈ വിഷയം ധരിപ്പിച്ചതായി പറഞ്ഞു.
Photo and News Source: Janam TV
