കോഴിക്കോട് മേപ്പയൂരിൽ റോഡ് തടസപ്പെടുത്തി നടത്തിയ വിവാഹയാത്രയെത്തുടർന്ന് മോട്ടോർ വാഹനവകുപ്പ് നടപടിയെടുത്തു. റോഡിൽ ആർഭാടം സൃഷ്ടിച്ച വാഹനങ്ങളെ പിടിച്ചെടുക്കുകയും ഡ്രൈവർമാരുടെ ലൈസൻസ് സസ്പെൻഡ് ചെയ്യുകയും ചെയ്തു. വാഹനങ്ങളുടെ രജിസ്ട്രേഷൻ താൽക്കാലികമായി റദ്ദാക്കി.
ഡ്രൈവർമാർക്ക് എടപ്പാളിലെ റോഡ് സുരക്ഷ ക്ലാസിലും മെഡിക്കൽ കോളജിലെ ഒരു മാസത്തെ സാമൂഹ്യസേവനത്തിലും പങ്കെടുക്കേണ്ടി വരും. ട്വന്റിഫോർ വാർത്ത പുറത്ത് വിട്ടതിനെ തുടർന്ന് മോട്ടോർ വാഹനവകുപ്പ് അന്വേഷണം ആരംഭിച്ചു. വീഡിയോയിൽ ഉൾപ്പെട്ട മുഴുവൻ വിവരങ്ങളും പരിശോധനയിലാണ്. റോഡ് നിയമങ്ങൾ ലംഘിച്ചതിന് കർശന നടപടിയെടുക്കുമെന്ന് വകുപ്പ് വ്യക്തമാക്കി.
Photo and News Source: 24 News
