കൊച്ചിയിൽ ലോഡ് ഷെഡിംഗ് മൂലം ജനങ്ങളുടെ പ്രതിഷേധം ശക്തമായി. രാത്രി സമയത്ത് വൈദ്യുതി വിതരണം തടസ്സപ്പെടുന്നതിനെ തുടർന്ന് കെഎസ്ഇബി ജീവനക്കാർക്ക് അപകടം നേരിടേണ്ടി വരുന്ന സാഹചര്യമുണ്ടായി. ആലുവ വെസ്റ്റ് ഇലക്ട്രിക്കൽ സെക്ഷൻ അസിസ്റ്റന്റ് എൻജിനീയർ ആലുവ സർക്കിള് ഇൻസ്പെക്ടറെ സമീപിച്ച് പരാതി നൽകി.
വൈദ്യുതി വിതരണം തടസ്സപ്പെടുമ്പോൾ ജനങ്ങൾ ഓഫീസിലെത്തി ഉദ്യോഗസ്ഥരെ അസഭ്യം പറയുകയും കയ്യേറ്റം നടത്താൻ ശ്രമിക്കുകയും ചെയ്യുന്നു. സാങ്കേതിക പ്രശ്നങ്ങളാലാണ് വൈദ്യുതി മുടങ്ങുന്നതെന്ന് ജീവനക്കാർ വ്യക്തമാക്കി. തിങ്കളാഴ്ച രാത്രി തൃശൂർ എരുമപ്പെട്ടിയിലെ കെഎസ്ഇബി ഡിവിഷൻ ഓഫീസിന് മുന്നിൽ അർധരാത്രി വരെ വൻ പ്രതിഷേധം നടന്നു. രാത്രി 11 മണിയോടെ ആരംഭിച്ച പ്രതിഷേധം പുലർച്ചെ രണ്ടര വരെ തുടർന്നു.
Photo and News Source: Kerala Online News
