ധാംതരിയിൽ നടന്ന 500 കോടി രൂപയുടെ ഭാരത്മാല അഴിമതി കേസിൽ ഇ.ഡി.യുടെ വലിയൊരു റെയ്ഡിനിടെ ഉദ്യോഗസ്ഥർക്കെതിരെ ആക്രമണം നടന്നു. മുന് ബിജെപി മന്ത്രി അജയ് ചന്ദ്രക്കറുടെ ബന്ധുവായ ഭൂപേന്ദ്ര ചന്ദ്രക്കറുടെ വീടടക്കം എട്ടിടങ്ങളിൽ പരിശോധന നടത്തി. റായ്പൂര്-വിശാഖപട്ടണം ഇക്കണോമിക് കോറിഡോറിന് വേണ്ടി ഭൂമി ഏറ്റെടുക്കുന്നതിൽ ക്രമക്കേട് ആരോപിക്കുന്നു. റെയ്ഡില് 66.9 ലക്ഷം രൂപയും 37.13 കിലോ വെള്ളിക്കട്ടികളും മറ്റു വെള്ളി ആഭരണങ്ങളും പിടിച്ചെടുത്തു.
ഭൂപേന്ദ്ര ചന്ദ്രക്കർ തന്റെ സ്വാധീനം ഉപയോഗിച്ച് അടുപ്പക്കാര് കോടികളുടെ നഷ്ടപരിഹാരം ലഭ്യമാക്കിയെന്നാണ് ആരോപണം. റെയ്ഡിനിടെ അഭന്പൂരിലെ ഗോപാല് ഗാന്ധിയുടെ വീട്ടിൽ സംഘർഷമുണ്ടായി. ഇ.ഡി ഡെപ്യൂട്ടി ഡയറക്ടർ നീരജ് കുമാർ സിംഗിനെ ഗോപാലിന്റെ പിതാവും സഹോദരനും ചേർന്ന് കൈയേറ്റം ചെയ്തതായി പോലീസ് പരാതി രേഖപ്പെടുത്തി. അഭന്പൂര് പോലീസ് ഇവരുടെ മേൽ കേസ് ഫയൽ ചെയ്തു.
രണ്ട് ബാഗ് നിറയെ നിര്ണ്ണായക രേഖകൾ പിടിച്ചെടുത്തു. ഡിജിറ്റൽ തെളിവുകൾ പരിശോധിച്ചാൽ കൂടുതൽ ഉന്നതരുടെ പേരുകൾ പുറത്തുവരുമെന്ന് സൂചന. അഭന്പൂര്, റായ്പൂര്, ധാംതരി, കുരുദ് എന്നിവിടങ്ങളിലായിരുന്നു റെയ്ഡുകൾ. രേഖകൾ പരിശോധിച്ച ശേഷം കൂടുതൽ നടപടികൾ എടുക്കുമെന്ന് ഇ.ഡി. വൃത്തങ്ങൾ സൂചിപ്പിച്ചു.
Photo and News Source: Sathyam Online
