ബെംഗളൂരുവിലെ നന്ദിനി ലേഔട്ടിലുള്ള ഒരു പി. ജി. കേന്ദ്രത്തിൽ ഞായറാഴ്ച രാത്രി ഉണ്ടായ തീപ്പിടിത്തം വലിയ ദുരന്തമായി മാറുമായിരുന്നു. 50-ഓളം യുവതികൾ കെട്ടിടത്തിൽ നിന്ന് ചാടി രക്ഷപ്പെട്ടു. ആദ്യം തീപിടിച്ചത് സമീപത്തുള്ള ഒരു എൽഇഡി ബാനർ കടയിലായിരുന്നു. തുടർന്ന് തീ പി. ജി. കെട്ടിടത്തിലേക്ക് പടർന്നു. കെട്ടിടം പുകയും തീയും കൊണ്ട് മൂടിയപ്പോൾ താമസക്കാർക്ക് പുറത്തേക്ക് ഇറങ്ങാൻ കഴിയാതെ വന്നു. ഇതോടെ പലരും ജനാല വഴി ചാടി രക്ഷപ്പെട്ടു.
സാമൂഹിക മാധ്യമങ്ങളിൽ ഈ സംഭവത്തിന്റെ വീഡിയോകൾ വൈറലായി. അഗ്നിശമന സേനയും അടിയന്തര സേവന ഉദ്യോഗസ്ഥരും എത്തി തീയണച്ചു. റോഡരികിലെ രണ്ട് വാഹനങ്ങൾക്കും തീപിടിച്ചു. തൊട്ടടുത്തുള്ള കെട്ടിടങ്ങളുടെ ജനാലകളും തകർന്നു. സംഭവത്തെക്കുറിച്ച് പോലീസ് അന്വേഷണം ആരംഭിച്ചു. ആർക്കും കാര്യമായ പരുക്കുണ്ടായില്ല.
Photo and News Source: Janmabhumi
