ഹത്രാസിൽ നടന്ന അത്ഭുതകരമായ സംഭവമാണിത്. മൊബൈൽ ടവറിന്റെ നൂറടി ഉയരത്തിൽ കയറി പ്രതിഷേധിച്ച യുവതി, ഭർത്താവിനൊപ്പം കഴിയാൻ വിസമ്മതിച്ച് കാമുകനൊപ്പം പോകാനാണ് ആഗ്രഹിക്കുന്നതെന്ന് പറഞ്ഞു. സസ്നി പോലീസ് സ്റ്റേഷൻ പരിധിയിൽ സംഭവിച്ച ഈ പ്രതിഷേധം നാട്ടുകാരുടെ ശ്രദ്ധ പിടിച്ചുപറ്റി. ടവറിൽ കയറിയ പൂജ (30) എന്ന യുവതിയെ പൊലീസും ഫയർഫോഴ്സും ചേർന്ന് മണിക്കൂറുകൾ നീണ്ട ശ്രമത്തിനുശേഷം താഴെയിറക്കി. ദാമ്പത്യ ജീവിതത്തിലെ അസ്വാരസ്യങ്ങളാണ് ഇത്തരമൊരു നടപടിക്ക് കാരണമായതെന്ന് പ്രാഥമിക നിഗമനം.
ടവറിൽ നിന്നിറക്കിയ യുവതിയെ പോലീസ് സ്റ്റേഷനിലേക്ക് കൊണ്ടുപോയി കൗൺസിലിംഗ് നൽകുമെന്ന് ഉദ്യോഗസ്ഥർ അറിയിച്ചു. സംഭവത്തെത്തുടർന്ന് ഭർത്താവിനെയും ബന്ധുക്കളെയും പോലീസ് വിളിച്ചുവരുത്തി.
Photo and News Source: Kerala Online News
