വാഷിങ്ടണിൽ നിന്നുമുള്ള വാർത്ത: യുഎസ് പ്രസിഡന്റ് ഡൊണാൾഡ് ട്രംപിന്റെ ചിത്രം അടുത്തിടെ പുറത്തിറക്കുന്ന ലിമിറ്റഡ് എഡിഷൻ പാസ്പോർട്ടുകളിൽ ഉൾപ്പെടുത്തുമെന്ന് അമേരിക്കൻ സ്റ്റേറ്റ് ഡിപ്പാർട്ട്മെന്റ് സ്ഥിരീകരിച്ചു. സ്വാതന്ത്ര്യ പ്രഖ്യാപനത്തിന്റെ 250-ാം വാർഷികത്തോടനുബന്ധിച്ചാണ് ഈ പാസ്പോർട്ടുകൾ പുറത്തിറക്കുന്നത്. ട്രംപിന്റെ ഔദ്യോഗിക ചിത്രവും സ്വർണ്ണ നിറത്തിലുള്ള ഒപ്പും പാസ്പോർട്ടിൽ ഉണ്ടാകും. വാഷിങ്ടണിൽ മാത്രമേ ഈ പ്രത്യേക പതിപ്പ് ലഭ്യമാകൂ. അധിക ചാർജ്ജ് ഈടാക്കില്ല.
മറ്റു രാജ്യങ്ങളിൽ പോലെ ചരിത്രപരമായ ചിത്രങ്ങളോ പ്രകൃതി ദൃശ്യങ്ങളോ ആണ് പാസ്പോർട്ടുകളിൽ ഉപയോഗിക്കാറുള്ളത്. ട്രംപിന്റെ ഈ നടപടി തന്റെ വ്യക്തിമുദ്ര പതിപ്പിക്കാനുള്ള ശ്രമമായി കാണുന്നു. പാസ്പോർട്ട് അപേക്ഷകർക്ക് പ്രത്യേക പതിപ്പ് നിരസിക്കാനുള്ള അവകാശം ഉള്ളതോ എന്ന് വ്യക്തമല്ല. ലോകത്ത് അധികാരത്തിലിരിക്കുന്ന നേതാക്കളുടെ ചിത്രങ്ങൾ പാസ്പോർട്ടുകളിൽ വരുന്നത് വളരെ അപൂർവമാണ്.
Photo and News Source: Sathyam Online
