14 വർഷത്തെ ഐടി കരിയറിനുശേഷം, ദീപ്തി ജനാർദ്ദനൻ തന്റെ പഴയ സ്വപ്നമായ IIM ബാംഗ്ലൂരിലേക്കുള്ള തിരിച്ചുവരവിനെക്കുറിച്ച് സന്തോഷം പങ്കുവെച്ചു. കോളേജ് പഠനകാലത്ത് CAT പരീക്ഷ വിജയിക്കാത്തതിനെത്തുടർന്ന് ഉപേക്ഷിക്കേണ്ടി വന്ന സ്വപ്നമായിരുന്നു അത്. ടിസിഎസിൽ 8 വർഷം ജോലി ചെയ്ത ശേഷം ഇന്റലിഫ്ലോയിൽ ക്വാളിറ്റി അഷ്വറൻസ് ലീഡായി പ്രവർത്തിച്ചു വരികയായിരുന്നു. എന്നാൽ 14 വർഷത്തെ ഐടി അനുഭവത്തിനുശേഷവും ഉള്ളിലെ ആ പഴയ ആഗ്രഹം അവളെ പിന്തുടർന്നു. "തിരിച്ചുവരവ് എളുപ്പമായിരുന്നില്ല.
പരിചിതമായ സാഹചര്യങ്ങളിൽ നിന്ന് മാറി നിൽക്കുക, സ്വന്തം സംശയങ്ങളെ നേരിടുക, വീണ്ടും ആദ്യം മുതൽ തുടങ്ങുക... ഇതൊക്കെ വെല്ലുവിളിയായിരുന്നു" എന്ന് ദീപ്തി പറയുന്നു. IIM ബാംഗ്ലൂരിലെ ക്ലാസ് മുറികളിൽ വീണ്ടും എത്തുമ്പോൾ അത് പുതിയൊരു ഇടമല്ല, മറിച്ച് താൻ ഉപേക്ഷിച്ചുപോയ തന്റെ തന്നെ പഴയ പതിപ്പിലേക്കുള്ള മടക്കമാണെന്ന് അവൾ കുറിക്കുന്നു. നീരജ് മാധവും ഈ നേട്ടത്തിന് അവളെ അഭിനന്ദിച്ചു.
Photo and News Source: Mathrubhumi
