സ്വർണത്തിന്റെ വിപണി വില വീണ്ടും ഇടിയുന്നു. തിങ്കളാഴ്ച വൈകുന്നേരം തുടങ്ങിയ ഇടിവ് ചൊവ്വാഴ്ചയും തുടർന്നു. 22 കാരറ്റ് സ്വർണത്തിന്റെ ഒരു ഗ്രാമിന് 65 രൂപ കുറഞ്ഞ് 14,025 രൂപയായി. അതേസമയം ഒരു പവന് 520 രൂപ കുറഞ്ഞ് 1,12,200 രൂപയായി. 18, 14, 9 കാരറ്റ് സ്വർണങ്ങളുടെയും വില ഇടിഞ്ഞു. വെള്ളിയുടെ നിരക്കിൽ മാറ്റമില്ല. രാജ്യാന്തര വിപണിയിലെ ഇടിവിനെ തുടർന്ന് സംസ്ഥാനത്തെ സ്വർണ വിലയിലും കുറവ്.
24 മണിക്കൂറിനിടെ പവന് 1,040 രൂപ കുറഞ്ഞു. നിലവിലെ വില മാസത്തിലെ ഉയർന്ന നിലയിൽ നിന്ന് 2,040 രൂപ താഴെയാണ്. സ്വർണാഭരണങ്ങൾ വാങ്ങുന്നതിന് പുതിയ നിരക്കുകളും പണിക്കൂലി, ജിഎസ്ടി, ഹോള്മാർക്കിംഗ് ചാർജുകൾ എന്നിവ കണക്കിലെടുക്കേണ്ടതുണ്ട്.
Photo and News Source: Dhanam
