തിരുവനന്തപുരം: സംസ്ഥാനത്തെ പൊതുമരാമത്ത് പ്രവൃത്തികളിൽ വലിയ അഴിമതികൾ നടക്കുന്നതായി വിരമിച്ച ഐ.എ.എസ്. ഉദ്യോഗസ്ഥൻ ബിജു പ്രഭാകർ വെളിപ്പെടുത്തി. 230 കോടി റോഡ് നിർമ്മാണ കരാറിന് 65 കോടി ലാഭം ലഭിക്കുന്ന തരത്തിൽ പാറമട വ്യവസ്ഥകൾ മാറ്റിയെന്നാണ് അദ്ദേഹത്തിന്റെ ആരോപണം.
ഇതുമായി ബന്ധപ്പെട്ട രേഖകൾ പരിശോധിച്ച 91-ാം ദിവസം തന്നെ വകുപ്പിൽ നിന്ന് അദ്ദേഹത്തെ മാറ്റിയെന്നും ബിജു പ്രഭാകർ പറഞ്ഞു. രാഷ്ട്രീയക്കാരുടെയും ഉത്സവക്കാരുടെയും ആവശ്യങ്ങൾക്കായി പണം ഉപയോഗിച്ചതിനെ തുടർന്ന് 60% മാത്രമേ പണിക്കായി ഉപയോഗിക്കപ്പെടുന്നുള്ളൂ. ഇത് കുറയുമ്പോൾ വിള്ളലുകളുണ്ടാകുന്നു.
പൊതുമരാമത്ത് വകുപ്പിന്റെ നല്ല നിർമിതികളെപ്പറ്റി പറയാനാകുമോ എന്ന് സംശയമുണ്ട്. എ.ഐ. ക്യാമറ കരാറിൽ ചില സംശയങ്ങൾ ഉയർന്നിട്ടുണ്ട്. പല കാര്യങ്ങളും കണ്ടില്ലെന്നു നടിക്കേണ്ടിവന്നിട്ടുണ്ട്. അഴിമതി ഇല്ലാതാക്കാനുള്ള ശ്രമങ്ങൾ ഫലവത്താകുമെന്ന പ്രതീക്ഷയില്ലെന്നും അദ്ദേഹം പറഞ്ഞു.
Photo and News Source: Mathrubhumi
