വത്തിക്കാനിൽ ചരിത്രം കുറിച്ച ഒരു കൂടിക്കാഴ്ച നടന്നു. കത്തോലിക്ക സഭയുടെ മാർപാപ്പ ലിയോ പതിനാലാമനും, ചർച്ച് ഓഫ് ഇംഗ്ലണ്ടിന്റെ ആദ്യ വനിതാ ആർച്ച്ബിഷപ്പ് സാറാ മുല്ലല്ലിയും പരസ്പരം സമ്മാനങ്ങൾ കൈമാറി. 17-ാം നൂറ്റാണ്ടിൽ പണിയപ്പെട്ട പള്ളിയിൽ ഒരുമിച്ച് പ്രാർത്ഥിക്കുകയും ചെയ്തു.
വ്യത്യസ്ത മതധാരകൾ തമ്മിലുള്ള ഐക്യത്തിനും സമാധാനത്തിനുമുള്ള ശക്തമായ സന്ദേശമായിരുന്നു ഈ കൂടിക്കാഴ്ച. ലോക സമാധാനത്തിനും യുദ്ധങ്ങൾ അവസാനിപ്പിക്കാനും ഇരുവരും ചേർന്ന് ആഹ്വാനം നടത്തി. മാർപാപ്പയുടെ യുദ്ധവിരുദ്ധ നിലപാടിന് സാറാ മുല്ലല്ലി പൂർണ പിന്തുണ നൽകി.
1534-ൽ കത്തോലിക്ക സഭയിൽ നിന്ന് വേർപെട്ട ചർച്ച് ഓഫ് ഇംഗ്ലണ്ടിന്റെ ചരിത്രത്തിൽ ആദ്യമായി ഒരു വനിത പരമാധ്യക്ഷ പദവിയിലെത്തിയത് ശ്രദ്ധേയമാണ്. ഏകദേശം 140 കോടി വിശ്വാസികളുള്ള കത്തോലിക്ക സഭയുടെ തലവൻ ലിയോ പതിനാലാമൻ, അമേരിക്കയിൽ നിന്നുള്ള ആദ്യ മാർപാപ്പയെന്ന പ്രത്യേകതയും സ്വന്തമാക്കിയിട്ടുണ്ട്. പരസ്പര ഐക്യവും സഹകരണവുമാണ് ഭാവിയിലേക്കുള്ള വഴിയെന്ന സന്ദേശം അദ്ദേഹം ഉന്നയിച്ചു.
Photo and News Source: Media Mangalam
