തൃശൂർ പൂരത്തിന്റെ പ്രധാന ചടങ്ങായ കൊടിയിറക്കം ഇന്ന് നടക്കുന്നു. രാവിലെ 8 മണിക്ക് തിരുവമ്പാടിയുടെയും പാറമേക്കാവിന്റെയും എഴുന്നള്ളിപ്പ് ആരംഭിക്കും. ഉച്ചയ്ക്ക് 12:30-ന് ശ്രീമൂലസ്ഥാനത്ത് ഇരുമേളങ്ങളും കൊട്ടിക്കലാശിക്കും. തുടർന്ന് ദേവിമാർ ഉപചാരം ചൊല്ലി പിരിയുന്നതോടെ പൂരത്തിന് സമാപനം.
മുണ്ടത്തിക്കോട് ദുരന്തത്തിന്റെ പശ്ചാത്തലത്തിൽ കുടമാറ്റം പ്രതീകാത്മകമായിരുന്നു. സാധാരണയായി 50-60 കുടകൾ ഉയർത്താറുണ്ടെങ്കിലും ഈ വർഷം എണ്ണം കുറച്ചിരുന്നു. പാറമേക്കാവിനായി തൃക്കടവൂർ ശിവരാജുവും തിരുവമ്പാടിക്കായി ചന്ദ്രശേഖരനും തിടമ്പേറ്റി. 15 ആനകൾ വീതം കുടമാറ്റത്തിന് അണിനിരന്നു.
വടക്കുന്നാഥ ക്ഷേത്രത്തിനകത്തെ ഇലഞ്ഞിത്തറ മേളം 300-ലധികം വാദ്യകലാകാരന്മാരുടെ പാണ്ടിമേളം കൊണ്ട് ആവേശം പകരുകയുണ്ടായി. കത്തുന്ന വേനലിലും വൻ ജനസമുച്ചയമാണ് മേളം ആസ്വദിക്കാൻ എത്തിയത്. തിരുവമ്പാടി വിഭാഗത്തിന്റെ മഠത്തിൽ വരവ് പഞ്ചവാദ്യത്തിന് കോങ്ങാട് മധു നേതൃത്വം നൽകി. 15 ആനകളോടെ വടക്കുന്നാഥ ക്ഷേത്രത്തിലേക്ക് എഴുന്നള്ളി.
Photo and News Source: Kairali News
