ദുബായിൽ ഡെലിവറി റൈഡർമാരുടെ മരണപ്പാച്ചിൽ റോഡുകളിൽ വൻ ഭീതി സൃഷ്ടിക്കുന്നു. കഴിഞ്ഞ വർഷം 80,000 ഗതാഗത നിയമലംഘനങ്ങൾ റിപ്പോർട്ട് ചെയ്യപ്പെട്ടു. ഹൈവേകളിൽ വലിയ വാഹനങ്ങളുടെ ബ്ലൈൻഡ് സ്പോട്ടുകളിൽ നിന്ന് പെട്ടെന്ന് പ്രത്യക്ഷപ്പെടുന്ന ബൈക്കുകൾ അപകടങ്ങൾ വർദ്ധിപ്പിക്കുന്നു.
ആറുവരി പാതകളിൽ അവസാന രണ്ട് വരികളിൽ മാത്രം ബൈക്കുകൾക്ക് പ്രവേശനമുള്ളതാണ്. പലപ്പോഴും റൈഡർമാർ ഇത് ലംഘിക്കുന്നു. നിയമലംഘനത്തിന് 500 ദിർഹം പിഴയാണ് ആദ്യഘട്ടത്തിൽ. രണ്ടാം തവണ 700 ദിർഹവും മൂന്നാം തവണ ലൈസൻസ് റദ്ദാക്കലുമുണ്ട്. അമിതവേഗതക്കാർക്ക് 200 മുതൽ 400 ദിർഹം വരെ പിഴ ചുമത്തും.
ജോലി സംബന്ധമായ സമ്മർദ്ദമാണ് റൈഡർമാരെ അതിവേഗ ഓട്ടത്തിന് പ്രേരിപ്പിക്കുന്നത്. 15 മിനിറ്റിനുള്ളിൽ സാധനങ്ങൾ എത്തിക്കുന്ന അതിവേഗ സേവനങ്ങൾ ഡെലിവറി കമ്പനികൾ വാഗ്ദാനം ചെയ്യുന്നു. വരും ദിവസങ്ങളിൽ പോലീസ് കൂടുതൽ കർശന പരിശോധനകൾ നടത്തുമെന്ന് സൂചിപ്പിക്കുന്നു.
Photo and News Source: Malayalam Express
