തൃശൂരിൽ ഇന്ന് സ്കൂളുകളും കോളേജുകളും അടച്ചിടാൻ ജില്ലാ കളക്ടർ തീരുമാനിച്ചു. കേന്ദ്ര കാലാവസ്ഥാ വകുപ്പിന്റെ ഓറഞ്ച് അലർട്ടിനെത്തുടർന്നാണ് ഈ നടപടി. 40°C വരെ താപനില ഉയരാനുള്ള സാധ്യതയെ മുന്നിർത്തിയാണ് അവധി പ്രഖ്യാപിച്ചത്. പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങളും ബാധിതമാണ്. ഓൺലൈനായി ക്ലാസുകൾ നടത്താവുന്നതാണ്. പരീക്ഷകളുടെ ഷെഡ്യൂൾ മാറ്റമില്ല. സംസ്ഥാനത്തെ അങ്കണവാടികളിലെ പ്രീ സ്കൂളുകളും ഒരാഴ്ചത്തേയ്ക്ക് അടച്ചിടും. ഡിസാസ്റ്റർ മാനേജ്മെന്റ് അതോറിറ്റിയുടെയും ആരോഗ്യ വകുപ്പിന്റെയും മുന്നറിയിപ്പിനെത്തുടർന്നാണ് നടപടി.
അങ്കണവാടികളുടെ മറ്റു പ്രവർത്തനങ്ങൾ സാധാരണ പോലെ തുടരും.
Photo and News Source: Sathyam Online
