തൃശ്ശൂർ ജില്ലയിലെ വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർ ശിഖ സുരേന്ദ്രൻ ഇന്ന് അവധി പ്രഖ്യാപിച്ചു. കേന്ദ്ര കാലാവസ്ഥാ വകുപ്പിന്റെ ഓറഞ്ച് അലേർട്ട് പശ്ചാത്തലത്തിലാണ് ഈ തീരുമാനം. ഏപ്രിൽ 23, 24 തിയതികളിൽ ഉഷ്ണതരംഗം ഉണ്ടാകാനുള്ള സാധ്യതയെ തുടർന്നാണ് അവധി പ്രഖ്യാപിച്ചത്. ജില്ലയിലെ താപനില 40 ഡിഗ്രി സെൽഷ്യസ് വരെ ഉയരാനുള്ള സാധ്യതയെ മുൻനിർത്തിയാണ് ഈ നടപടി.
വിദ്യാഭ്യാസ സ്ഥാപനങ്ങൾക്ക് അത്യാവശ്യ സാഹചര്യങ്ങളിൽ ഓൺലൈൻ ക്ലാസുകൾ നടത്താവുന്നതാണ്. സർവകലാശാലകളും ബോർഡുകളും സംസ്ഥാന സർക്കാരും ഇതിനകം അറിയിക്കുകയും ഷെഡ്യൂൾ ചെയ്ത പരീക്ഷകൾക്ക് അവധി ബാധകമല്ലെന്ന് കളക്ടർ വ്യക്തമാക്കി. വിദ്യാർത്ഥികളുടെയും അധ്യാപകരുടെയും സുരക്ഷ ഉറപ്പാക്കുന്നതിനാണ് ഈ നടപടി.
Photo and News Source: Kerala Online News
