18 വർഷങ്ങൾക്ക് ശേഷം മമ്മൂട്ടിയും മോഹൻലാലും ഒന്നിക്കുന്ന 'പേട്രിയറ്റ്' ചിത്രത്തിലേക്ക് മോഹൻലാൽ എത്തിയതിന്റെ പിന്നിലെ കഥ വെളിപ്പെടുത്തി മമ്മൂട്ടി. മലയാളി സിനിമാപ്രേമികളെക്കൂടാതെ മറ്റു വ്യവസായങ്ങളിലും ശ്രദ്ധ നേടിയ ചിത്രമാണ് ഇത്. ചിത്രത്തിന്റെ ഹൈലൈറ്റ് മോഹൻലാലിന്റെ കേണൽ റഹിം നായിക് എന്ന കഥാപാത്രം തെരഞ്ഞെടുക്കലാണ്. ചിത്രത്തിന്റെ പ്രൊമോഷനുമായി ബന്ധപ്പെട്ട ജിയോ ഹോട്ട്സ്റ്റാറിലെ ചാറ്റ് ഷോയിലാണ് മമ്മൂട്ടി ഈ വിവരം വെളിപ്പെടുത്തിയത്. 'പേട്രിയറ്റ്: ലെജൻഡ്സ് ഹാങ്ഔട്ട്' എന്നാണ് ചാറ്റ് ഷോയുടെ പേര്.
ആദ്യം പുറത്തുനിന്നുള്ള താരത്തെ കാസ്റ്റ് ചെയ്യാമെന്നാണ് മഹേഷ് നാരായണൻ അഭിപ്രായപ്പെട്ടത്. എന്നാൽ മോഹൻലാലിന്റെ പേര് സജസ്റ്റ് ചെയ്തത് താനാണെന്ന് മമ്മൂട്ടി വെളിപ്പെടുത്തി. 'നമുക്ക് ഒരു നാഷണൽ സിനിമയൊക്കെ ആക്കണ്ടേ' എന്നായിരുന്നു അദ്ദേഹത്തിന്റെ ആദ്യ ആശയം. മറ്റു വ്യവസായങ്ങളിൽ നിന്നും ആരെയെങ്കിലും പൊക്കണോ എന്നും അദ്ദേഹം ചിന്തിച്ചു. മഹേഷ് നാരായണൻ ചില പേരുകൾ നിർദ്ദേശിച്ചെങ്കിലും, മോഹൻലാലിനെ തെരഞ്ഞെടുക്കാൻ തീരുമാനിച്ചു.
Photo and News Source: Asianet News
