അന്താരാഷ്ട്ര കപ്പല് ചാലുകളില് വെച്ച് ഇറാനിയന് എണ്ണക്കപ്പലുകളെ അമേരിക്ക തടഞ്ഞു. 'ഡീപ് സീ', 'ഡോറീന', 'സെവിന്' എന്നീ മൂന്ന് കപ്പലുകളാണ് യുഎസ് സൈന്യം നിയന്ത്രിച്ചത്. ഇന്ത്യ, മലേഷ്യ, ശ്രീലങ്ക എന്നിവിടങ്ങളോട് ചേര്ന്ന് കിടക്കുന്ന ചാലിലാണ് ഈ സംഭവം നടന്നത്.
ഇറാനില് നിന്നുള്ള എണ്ണ കയറ്റുമതി തടയാനുള്ള അമേരിക്കയുടെ കര്ശന ഉപരോധം ലംഘിക്കാനാണ് ഈ കപ്പലുകള് ശ്രമിച്ചതെന്ന് യുഎസ് സൈന്യം ആരോപിക്കുന്നു. രണ്ട് കപ്പലുകളെ ഇറാനിയന് തുറമുഖങ്ങളിലേക്ക് തിരിച്ചയച്ചതായി റിപ്പോര്ട്ടുണ്ട്. എന്നാൽ 'ഡോറീന' എന്ന കപ്പല് ഇപ്പോഴും യുഎസ് യുദ്ധക്കപ്പലിന്റെ നിയന്ത്രണത്തിലാണെന്ന് യുഎസ് സെന്ട്രല് കമാന്ഡ് സ്ഥിരീകരിച്ചു.
ഈ സംഭവം അന്താരാഷ്ട്ര ജലപാതകളിലെ സുരക്ഷയെ ചോദ്യം ചെയ്യുന്നതായി നിരീക്ഷകർ അഭിപ്രായപ്പെടുന്നു. അമേരിക്കയുടെ നടപടി ഇറാനുമായുള്ള ബന്ധങ്ങളെ കൂടുതൽ വഷളാക്കുമെന്നും വിശകലനങ്ങളുണ്ട്.
Photo and News Source: Kerala Online News
