സമസ്ത കേരള സുന്നി വിദ്യാഭ്യാസ ബോര്ഡ് പുതുതായി അപേക്ഷ സമര്പ്പിച്ച പന്ത്രണ്ട് മദ്റസകള്ക്ക് കൂടി അംഗീകാരം നല്കി. കോഴിക്കോട് സമസ്ത സെന്ററില് ചേര്ന്ന സെക്രട്ടറിയേറ്റ് യോഗത്തിലാണ് ഇതുസംബന്ധിച്ച തീരുമാനമുണ്ടായത്. സയ്യിദ് ശറഫുദ്ധീന് ജമലുല്ലൈലി യോഗത്തില് അധ്യക്ഷത വഹിച്ചു.
മലപ്പുറം, കോഴിക്കോട്, കണ്ണൂര്, തൃശൂര്, വയനാട് എന്നീ ജില്ലകളില് നിന്നും കര്ണാടക, ഗള്ഫ് മേഖലകളില് നിന്നും ഉള്ള മദ്റസകള്ക്കാണ് അംഗീകാരം ലഭിച്ചത്. മലപ്പുറം ജില്ലയിലെ ഹയാത്തുല് ഇസ്ലാം സുന്നി മദ്റസ (കല്ലുപാലം-കാടാമ്പുഴ) ഇതില് ഉള്പ്പെടുന്നു.
കോഴിക്കോട് ജില്ലയിലെ നജ്മുല് ഹുദാ മദ്റസ (പുളിയഞ്ചേരി-മുച്ചുക്കുന്ന്), മദീനത്തുല് ഉലും ഇംഗ്ലീഷ് മീഡിയം (ശാന്തിനഗര്-എകരൂല്) എന്നിവയ്ക്കും അംഗീകാരം ലഭിച്ചു. കണ്ണൂരിലെ മദ്റസത്തുല് ഈമാന് (താഴെ എടക്കോം ചമ്മണംകുന്ന്-ചപ്പാരപ്പടവ്), നിബ്രാസുല് ഹുദാ മദ്റസ (ഉത്തൂര്-നടുവില്) എന്നിവയും പട്ടികയിലുണ്ട്.
തൃശൂരിലെ സഹ്റ ഗ്ലോബല് സ്കൂള് (ചിറമനങ്ങാട്), വയനാട്ടിലെ മുഅസ്സസ സുന്നി മദ്റസ (മാനന്തവാടി), കര്ണാടകയിലെ നൂറുല് ഇസ്ലാം മദ്റസ (ഗുയ്യ-സിദ്ധാപുരം) എന്നിവയ്ക്കും അംഗീകാരം നല്കി. കൂടാതെ ഷാര്ജയിലെ അല് സാദ് മദ്റസ (അല് നഹ്ദ), അല് സാദ് മദ്റസ (മുവൈല), ദാറുല് ഫിര്ദൗസ് (മുസല്ല), അല് മഖര് മദ്റസ (മുവൈലിഹ) എന്നീ ഗള്ഫ് മദ്റസകള്ക്കും അംഗീകാരം ലഭിച്ചിട്ടുണ്ട്.
യോഗത്തില് അബൂഹനീഫല് ഫൈസി തെന്നല, വി.പി.എം. ഫൈസി വില്ല്യാപ്പള്ളി, പ്രൊഫ. എ.കെ. അബ്ദുല് ഹമീദ്, പ്രൊഫ. കെ.എം.എ. റഹിം സാഹിബ് തുടങ്ങിയവര് സംസാരിച്ചു.
Photo and News Source: Siraj Live
