ഫ്ളാക്സ് സീഡ് അഥവാ ചണവിത്തുകൾ വെള്ളത്തിൽ കുതിർത്ത് കഴിക്കുന്നത് ആരോഗ്യത്തിന് ഏറെ ഗുണകരമാണ്. ദഹനപ്രക്രിയ സുഗമമാക്കുന്നതിനും മലബന്ധം പോലുള്ള പ്രശ്നങ്ങൾ ഒഴിവാക്കുന്നതിനും ഇത് മികച്ചൊരു മാർഗ്ഗമാണ്. ഫ്ളാക്സ് സീഡ് വെള്ളത്തിൽ കുതിർക്കുമ്പോൾ അതിൽ നിന്ന് മ്യൂസിലേജ് ജെൽ അഥവാ ലയിക്കുന്ന നാരുകൾ പുറത്തുവരുന്നു. ഇത് ദഹനനാളത്തെ ശാന്തമാക്കുകയും മലബന്ധം തടയുകയും ചെയ്യുന്നു.
ഭാരനിയന്ത്രണത്തിന് ആഗ്രഹിക്കുന്നവർക്ക് ഫ്ളാക്സ് സീഡ് വെള്ളം വളരെ സഹായകമാണ്. ഇതിലെ ഉയർന്ന അളവിലുള്ള ഫൈബർ ദീർഘനേരം വയറു നിറഞ്ഞതായി തോന്നിപ്പിക്കാൻ സഹായിക്കുന്നു. ഇത് അമിതമായ വിശപ്പ് കുറയ്ക്കാനും അതുവഴി അനാവശ്യമായ ഭക്ഷണശീലങ്ങൾ നിയന്ത്രിക്കാനും സഹായിക്കുന്നു.
ഹൃദയാരോഗ്യ സംരക്ഷണത്തിലും ഫ്ളാക്സ് സീഡ് പ്രധാന പങ്കുവഹിക്കുന്നു. ഇതിൽ അടങ്ങിയിരിക്കുന്ന ഒമേഗ-3 ഫാറ്റി ആസിഡുകൾ ശരീരത്തിലെ മോശം കൊളസ്ട്രോൾ (LDL) കുറയ്ക്കാൻ സഹായിക്കുന്നു. കൂടാതെ, ഇതിലെ ആന്റിഓക്സിഡന്റുകൾ ശരീരത്തിലെ വീക്കം കുറയ്ക്കാനും ഹൃദയത്തിന്റെ പ്രവർത്തനം മെച്ചപ്പെടുത്താനും സഹായിക്കുന്നു.
രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും ഫ്ളാക്സ് സീഡ് ഗുണകരമാണ്. ഇതിലെ ലയിക്കുന്ന നാരുകൾ പഞ്ചസാരയുടെ അളവ് പെട്ടെന്ന് ഉയരുന്നത് തടയുന്നു. കൂടാതെ, ഇതിൽ അടങ്ങിയിരിക്കുന്ന ലിഗ്നാനുകൾ പിഎംഎസ് (PMS) ലക്ഷണങ്ങളെ നിയന്ത്രിക്കാനും പ്രത്യുൽപാദന ആരോഗ്യം മെച്ചപ്പെടുത്താനും സഹായിക്കുന്നു.
Photo and News Source: Asianet News
