പോഷകഗുണങ്ങൾ ഏറെയുള്ള പപ്പായ ഉപയോഗിച്ച് വളരെ എളുപ്പത്തിൽ തയ്യാറാക്കാവുന്ന ഒരു വിഭവമാണ് പപ്പായ ഹൽവ. ഹൃദയാരോഗ്യത്തിനും ചർമ്മസംരക്ഷണത്തിനും ഉത്തമമായ പപ്പായയിൽ വിറ്റാമിൻ എ, സി, ഫൈബർ, പൊട്ടാസ്യം എന്നിവ ധാരാളമായി അടങ്ങിയിട്ടുണ്ട്. പപ്പായയുടെ സ്വാഭാവികമായ ചവർപ്പ് കാരണം പലരും ഇത് നേരിട്ട് കഴിക്കാൻ മടിക്കാറുണ്ട്. അത്തരക്കാർക്ക് പപ്പായ ഹൽവ ഒരു മികച്ച പരീക്ഷണമായിരിക്കും.
ഈ വിഭവം തയ്യാറാക്കാൻ ഏകദേശം 25 മുതൽ 30 മിനിറ്റ് വരെ സമയം മതിയാകും. ആദ്യം പഴുത്ത പപ്പായയുടെ തൊലിയും വിത്തുകളും നീക്കം ചെയ്ത് നന്നായി ഉടച്ചെടുക്കുകയോ അരച്ചെടുക്കുകയോ ചെയ്യുക. ഒരു കട്ടിയുള്ള പാത്രത്തിൽ നെയ്യ് ചൂടാക്കി ഉടച്ചുവെച്ച പപ്പായ ചേർത്ത് പച്ചമണം മാറുന്നത് വരെ 10-14 മിനിറ്റ് നന്നായി വഴറ്റുക. പപ്പായ നന്നായി വെന്തു വരുമ്പോൾ ആവശ്യത്തിന് പഞ്ചസാര ചേർത്ത് മിശ്രിതം കുറുകുന്നത് വരെ ഇളക്കുക.
മിശ്രിതം പാത്രത്തിൽ നിന്ന് വിട്ടുപോരുന്ന പാകമാകുമ്പോൾ ഏലക്കായ പൊടിച്ചതും ബാക്കി നെയ്യും ചേർക്കുക. അവസാനമായി നെയ്യിൽ വറുത്ത അണ്ടിപ്പരിപ്പും മുന്തിരിയും ചേർത്ത് തീ അണയ്ക്കാം. കൂടുതൽ രുചിക്കും കൊഴുപ്പിനും അല്പം പാൽ അല്ലെങ്കിൽ കണ്ടൻസ്ഡ് മിൽക്ക് ചേർക്കാവുന്നതാണ്. തയ്യാറാക്കിയ ഹൽവ തണുത്ത ശേഷം എയർ ടൈറ്റ് പാത്രത്തിൽ സൂക്ഷിച്ചാൽ ഒരാഴ്ച വരെ കേടുകൂടാതെയിരിക്കും.
Photo and News Source: Kairali News
