നവഭാവന ചാരിറ്റബിൾ ട്രസ്റ്റ് ഏർപ്പെടുത്തിയ ഈ വർഷത്തെ കാവാലം നാരായണ പണിക്കർ സ്മാരക പുരസ്കാരത്തിന് പ്രദീപ് മാളവിക അർഹനായി. വൈക്കം മാളവിക സ്വദേശിയാണ് ഇദ്ദേഹം. കലാരംഗത്തെയും സാംസ്കാരിക മേഖലയിലെയും സമഗ്ര സംഭാവനകൾ പരിഗണിച്ചാണ് പുരസ്കാരം നൽകുന്നത്.
പതിനയ്യായിരം രൂപയും ശില്പവും പ്രശംസാ പത്രവും അടങ്ങുന്നതാണ് ഈ പുരസ്കാരം. തിരുവനന്തപുരം കാർത്തിക തിരുനാൾ തിയേറ്ററിൽ വെച്ച് നടക്കുന്ന പ്രത്യേക സാംസ്കാരിക സമ്മേളനത്തിൽ വെച്ച് പ്രശസ്ത ചലച്ചിത്ര സംവിധായകൻ കമൽ അവാർഡ് സമ്മാനിക്കും.
ചടങ്ങിൽ പ്രമുഖ സാഹിത്യകാരൻ ജോർജ്ജ് ഓണക്കൂർ, കവി പ്രഭാവർമ്മ എന്നിവർ മുഖ്യാതിഥികളായി പങ്കെടുക്കും. സാംസ്കാരിക കേരളം ഏറെ ആദരവോടെ കാണുന്ന കാവാലം നാരായണ പണിക്കരുടെ സ്മരണാർത്ഥം നൽകുന്ന ഈ പുരസ്കാരം, കലാരംഗത്ത് മികച്ച പ്രവർത്തനങ്ങൾ കാഴ്ചവെക്കുന്നവർക്ക് നൽകുന്ന അംഗീകാരമാണ്.
Photo and News Source: Kerala Kaumudi
