ഇരിങ്ങാലക്കുട കൂടൽമാണിക്യം ക്ഷേത്രത്തിലെ വലിയ വിളക്ക് ഉത്സവത്തിനിടെ പരസ്യമായി മദ്യപാനം നടന്നതായി റിപ്പോർട്ട്. ക്ഷേത്രത്തിലെ ചടങ്ങുകൾ നടക്കുന്നതിനിടയിലാണ് ചിലർ മദ്യക്കുപ്പികളുമായി എത്തി പരസ്യമായി മദ്യപിച്ചത്. സ്ത്രീകളും കുട്ടികളുമടക്കം നിരവധി ഭക്തർ തിങ്ങിനിറഞ്ഞ സ്ഥലത്തുവെച്ചാണ് ഇത്തരത്തിൽ നിയമവിരുദ്ധമായ പ്രവർത്തികൾ നടന്നത്.
ക്ഷേത്രത്തിന്റെ പവിത്രതയെയും വിശ്വാസികളുടെ വികാരത്തെയും വ്രണപ്പെടുത്തുന്ന രീതിയിലുള്ള ഈ സംഭവം വലിയ പ്രതിഷേധത്തിന് വഴിവെച്ചിട്ടുണ്ട്. ഉത്സവപ്പറമ്പിൽ ഇത്തരത്തിൽ അഴിഞ്ഞാട്ടം നടത്തിയവർക്കെതിരെ കർശനമായ നിയമനടപടികൾ സ്വീകരിക്കണമെന്ന ആവശ്യം ഭക്തജനങ്ങളിൽ നിന്നും പൊതുസമൂഹത്തിൽ നിന്നും ശക്തമായി ഉയരുകയാണ്.
ക്ഷേത്രപരിസരങ്ങളിൽ ഇത്തരം സാമൂഹ്യവിരുദ്ധ പ്രവർത്തനങ്ങൾ തടയുന്നതിൽ സുരക്ഷാ ഉദ്യോഗസ്ഥരുടെ ഭാഗത്തുനിന്നുണ്ടായ വീഴ്ചയും ചോദ്യം ചെയ്യപ്പെടുന്നുണ്ട്. സംഭവത്തിൽ കുറ്റക്കാർക്കെതിരെ മാതൃകാപരമായ നടപടി വേണമെന്നാണ് നാട്ടുകാരുടെ ആവശ്യം.
Photo and News Source: Kairali News
