ഐടി മേഖലയിലെ പ്രമുഖ കമ്പനിയായ കോഗ്നിസന്റ് ആഗോളതലത്തിൽ 12,000 മുതൽ 15,000 വരെ ജീവനക്കാരെ പിരിച്ചുവിടാനുള്ള പദ്ധതി പ്രഖ്യാപിച്ചു. ഇതിൽ ഭൂരിഭാഗവും ഇന്ത്യയിലായിരിക്കുമെന്ന് കരുതപ്പെടുന്നു. നിലവിൽ കമ്പനിക്ക് 3,57,000 ജീവനക്കാരുണ്ട്. അതിൽ 2,50,000 പേർ ഇന്ത്യയിലാണ് പ്രവർത്തിക്കുന്നത്. പിരിച്ചുവിടലിനുള്ള ചെലവ് 230-320 മില്യൺ ഡോളറായി കണക്കാക്കപ്പെടുന്നു.
ഓരോ ജീവനക്കാരനും 7.5 ലക്ഷം രൂപ വരെ നഷ്ടപരിഹാരം ലഭിക്കുമെന്ന് പ്രതീക്ഷിക്കുന്നു. കമ്പനിയുടെ വാർഷിക ശമ്പളം 15 ലക്ഷം രൂപയ്ക്ക് മുകളിലാണ്. 'പ്രോജക്റ്റ് ലീപ്' എന്ന പേരിൽ നടക്കുന്ന ഈ പിരിച്ചുവിടൽ പദ്ധതി കോടികളുടെ നഷ്ടപരിഹാരത്തിന് ഇടയാക്കും. കോഗ്നിസന്റിന്റെ സിഇഒ എസ്. രവികുമാർ, ആഗോളതലത്തിലുള്ള ഐടി മേഖലയിലെ മാറ്റങ്ങൾക്കനുസൃതമായി തന്നെ കമ്പനിയും മുന്നോട്ടുപോകുന്നതായി വ്യക്തമാക്കി.
ആമസോൺ, മെറ്റ തുടങ്ങിയ വൻകിട കമ്പനികൾ കഴിഞ്ഞ നാല് മാസത്തിനിടയിൽ വലിയ തോതിൽ ജീവനക്കാരെ പിരിച്ചുവിട്ടിരുന്നു. ആർട്ടിഫിഷ്യൽ ഇന്റലിജൻസ് യുഗത്തിലേക്കുള്ള മാറ്റമാണ് ഇതിന് കാരണം. എഐയുടെ വരവ് ഐടി മേഖലയെ വലിയതോതിൽ ആശങ്കയിലാഴ്ത്തിയിട്ടുണ്ട്. 2026-ലെ ആദ്യ മൂന്ന് മാസത്തിൽ 78,557 പേരും ഏപ്രിലിൽ 92,000 പേരും തൊഴില് നഷ്ടപ്പെട്ടതായി കണക്കുകൾ സൂചിപ്പിക്കുന്നു. ഇതിൽ 48 ശതമാനം തൊഴില് നഷ്ടങ്ങൾക്ക് എഐയാണ് കാരണം. മുമ്പ് സാമ്പത്തികമാന്ദ്യമായിരുന്നു പിരിച്ചുവിടലിന് കാരണമെങ്കിലും ഇപ്പോൾ എഐയുടെ വരവാണ് പ്രധാന കാരണം. ഭാവിയിൽ ഈ റോളുകൾ എഐ തന്നെ നിറവേറ്റുമെന്നാണ് പ്രതീക്ഷ.
ഐടി മേഖലയുടെ ഭാവിയെക്കുറിച്ച് പൊതുവിൽ അപകടകരമായ അവസ്ഥയിലൂടെയാണ് കടന്നുപോകുന്നതെന്നാണ് പൊതുവിലയിരുത്തൽ. മുമ്പത്തെ പോലെ റിക്രൂട്ട്മെന്റ് വർദ്ധിപ്പിക്കാനുള്ള സാധ്യത കുറവാണ്. എഐയുടെ ഉപയോഗം കൂടുന്നതോടെ മനുഷ്യ ജോലിക്കാരുടെ ആവശ്യകത കുറയുമെന്നാണ് വിദഗ്ദ്ധരുടെ അഭിപ്രായം. കമ്പനികളുടെ മുന്നോട്ടുള്ള ചുവടുകൾ ഈ മാറ്റത്തിനനുസൃതമായിരിക്കുമെന്ന് പ്രതീക്ഷിക്കുന്നു.
Photo and News Source: Dhanam
