സ്വർണ്ണത്തിന്റെ വില ഇന്നും തുടർച്ചയായി ഇടിഞ്ഞു. സംസ്ഥാനത്ത് രണ്ടാം ദിവസവും വിലക്കുറവ്. ഗ്രാമിന് 40 രൂപ ഇടിഞ്ഞ് 13,675 രൂപയായി. പവനിൽ 120 രൂപ കുറഞ്ഞ് 1,09,400 രൂപയായി. 18 കാരറ്റിന് 30 രൂപ കുറഞ്ഞ് 11,240 രൂപയായി. വെള്ളിയുടെ വിലയും 10 രൂപ ഇടിഞ്ഞ് 255 രൂപയായി.
രാജ്യാന്തര വിപണിയിൽ സ്വർണ്ണം ഒരു മാസത്തെ ഏറ്റവും താഴ്ന്ന നിലയിൽ നിന്ന് നേരിയ തിരിച്ചുകയറ്റം കാണിക്കുന്നുണ്ടെങ്കിലും, ഡോളറിനായുള്ള സുരക്ഷിത നിക്ഷേപ ആവശ്യകതയും ഹോർമുസ് കടലിടുക്കിലെ സംഘർഷങ്ങളും വിലയെ ചാഞ്ചാടി നില്ക്കുന്നു. വീണ്ടും താഴാനുള്ള സാധ്യതകളെക്കുറിച്ച് നിരീക്ഷകർ മുന്നറിയിപ്പ് നൽകുന്നു.
ഹോർമുസ് കടലിടുക്കിലെ യുഎസ്-ഇറാൻ സംഘർഷങ്ങൾ എണ്ണവിലയെ ഉയർത്തുകയും പണപ്പെരുപ്പ ഭീതി വർദ്ധിപ്പിക്കുകയും ചെയ്യുന്നു. തിങ്കളാഴ്ച കടലിടുക്ക് വീണ്ടും തുറക്കുന്നതിനിടെ, യുഎസ് സൈന്യം ആറ് ഇറാനിയൻ ബോട്ടുകളെ തകര്ത്തിയതായി പ്രഖ്യാപിച്ചു. ഇറാൻ വിക്ഷേപിച്ച 15 മിസൈലുകളെയും നാല് ഡ്രോണുകളെയും യുഎസ് സഖ്യകക്ഷിയായ യുഎഇ തടഞ്ഞു. ഇറാനിലേക്ക് സാധനങ്ങൾ കൊണ്ടുപോയ രണ്ട് കപ്പലുകളെ യുഎസ് ആക്രമിച്ചതായി റിപ്പോർട്ടുകൾ.
Photo and News Source: Dhanam
