കൊല്ലം ചാത്തന്നൂരിൽ ബിജെപി സ്ഥാനാർത്ഥി ബി. ബി. ഗോപകുമാർ 4,012 വോട്ടിന്റെ ഭൂരിപക്ഷത്തോടെ വിജയിച്ചു. ജനങ്ങളുടെ അവസരം നൽകാനുള്ള തീരുമാനമാണ് തന്റെ വിജയത്തിന് അടിസ്ഥാനമെന്ന് അദ്ദേഹം അഭിപ്രായപ്പെട്ടു. മോദി സർക്കാരിന്റെ വികസന പ്രവർത്തനങ്ങളെ ജനങ്ങൾ സ്വാഗതം ചെയ്യുന്നുവെന്നും കഴിഞ്ഞ രണ്ട് തിരഞ്ഞെടുപ്പുകളിൽ രണ്ടാം സ്ഥാനത്തിരുന്ന തനിക്ക് ഇത്തവണ അവസരം നൽകാൻ ജനങ്ങൾ തീരുമാനിച്ചതായും അദ്ദേഹം പറഞ്ഞു. എൽഡിഎഫ്-യുഡിഎഫ് അടിയൊഴുക്കുകളെ മറികടന്ന് ജനങ്ങളുടെ ഈ വിജയം ലഭ്യമായെന്നും ഗോപകുമാർ വ്യക്തമാക്കി.
2016-ലും 2021-ലും രണ്ടാം സ്ഥാനത്തെത്തിയ അദ്ദേഹം ഈ തിരഞ്ഞെടുപ്പിൽ എൽഡിഎഫിന്റെ ആർ. രാജേന്ദ്രനെ പരാജയപ്പെടുത്തി. കോൺഗ്രസ് സ്ഥാനാർത്ഥി സൂരജ് രവി മൂന്നാം സ്ഥാനത്തേക്ക് തള്ളപ്പെട്ടു. ചാത്തന്നൂർ മീനാട് സ്വദേശിയായ ഗോപകുമാർ ബിജെപിയുടെ തിരുവനന്തപുരം മേഖലാ പ്രസിഡന്റാണ്. രാഷ്ട്രീയത്തിനപ്പുറം നാട്ടുകാരുടെ വ്യക്തിബന്ധവും സ്വീകാര്യതയുമാണ് ബിജെപിയെ വിജയത്തിലേക്ക് നയിച്ചത്.
Photo and News Source: Janam TV
