ആലപ്പുഴയിലെ വിഷുദിന ആശംസ പോസ്റ്ററിന് മതവികാരം വ്രണപ്പെടുത്തിയെന്നാരോപിച്ച് ഹോട്ടൽ ഉടമയെ പോലീസ് അറസ്റ്റ് ചെയ്തു. ശ്രീകൃഷ്ണന്റെ ചിത്രം മന്തിയോടെ നോക്കിയിരിക്കുന്ന രീതിയിൽ പോസ്റ്റർ തയ്യാറാക്കിയത് വിവാദമായി. ചേര്ത്തലയിലെ മെഹര് ഹര്ഷാദിനെയാണ് പോലീസ് കസ്റ്റഡിയിലെടുത്തത്. തുടർന്ന് ജാമ്യത്തില് വിട്ടയച്ചു. ആലപ്പുഴയിലെ അഭിഭാഷകന്റെ പരാതിയിലാണ് കേസ് രജിസ്റ്റർ ചെയ്തത്. കലാപം ഉണ്ടാക്കാനുള്ള ഉദ്ദേശ്യത്തോടെയാണ് പ്രകോപനമുണ്ടായതെന്ന് പോലീസ് സൂചിപ്പിച്ചു.
വിവാദ പോസ്റ്ററിൽ ഖേദം പ്രകടിപ്പിച്ച ഹോട്ടൽ ഉടമ, പുറത്തുനിന്നുള്ള ആളെ കൊണ്ടാണ് പോസ്റ്റർ തയ്യാറാക്കിയതെന്നും തന്റെ അറിവില്ലാതെയാണെന്നും വ്യക്തമാക്കി. സോഷ്യല് മീഡിയയിൽ ഈ പോസ്റ്റർ പ്രചരിപ്പിച്ചിട്ടില്ലെന്നും മറ്റൊരു പോസ്റ്റർ തയ്യാറാക്കിയതായും അദ്ദേഹം വിഡിയോയിലൂടെ സൂചിപ്പിച്ചു. പോസ്റ്റർ വിവാദത്തെത്തുടർന്ന് ഹോട്ടലിന് പോലീസ് സംരക്ഷണം ഒരുക്കിയിട്ടുണ്ട്. സംഭവം ശക്തമായ ചർച്ചകൾക്ക് വഴിവച്ചു.
Photo and News Source: Malayalam Express
