കുവൈത്തിൽ അനുമതിയില്ലാതെ താൽക്കാലിക സ്റ്റാളുകൾ സ്ഥാപിച്ച് കച്ചവടം നടത്തിയ 8 പേരെ മേയ് 1-ന് വ്യാപക പരിശോധനകളിലൂടെ അറസ്റ്റ് ചെയ്തു.
ഫഹഹീൽ, മഹ്ബൂല മേഖലകളിലായിരുന്നു അനധികൃത തെരുവ് വ്യാപാരം. പരിശോധനകളുടെ ഭാഗമായി അഹ്മദി ഗവർണറേറ്റ് സെക്യൂരിറ്റി ഡയറക്ടറേറ്റിന്റെ ഓപ്പറേഷൻസ് ആൻഡ് പട്രോൾസ് വിഭാഗം നടത്തിയ നടപടികളായിരുന്നു ഇത്.
പുകയില ഉൽപ്പന്നങ്ങൾ, പച്ചക്കറികൾ, വസ്ത്രങ്ങൾ, ചെരുപ്പുകൾ, ഗൃഹോപകരണങ്ങൾ, ഇലക്ട്രോണിക് സാധനങ്ങൾ തുടങ്ങി വിവിധ സാധനങ്ങൾ പിടിച്ചെടുത്തു. എല്ലാ പ്രതികളെയും നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറി.
അനധികൃത തെരുവ് വ്യാപാരങ്ങൾ തടയുന്നതിനായി കുവൈത്ത് മുനിസിപ്പാലിറ്റിയുമായി സഹകരണം തുടരുകയാണെന്ന് അധികൃതർ അറിയിച്ചു. രാജ്യത്ത് നിയമലംഘനങ്ങൾ നിയന്ത്രിക്കുന്നതിനായി ഇത്തരം പരിശോധനകൾ തുടരുമെന്നും ആഭ്യന്തര മന്ത്രാലയം വ്യക്തമാക്കി.
രാജ്യത്തുടനോരുള്ള നിയമലംഘനങ്ങൾ നിയന്ത്രിക്കുന്നതിനായി പരിശോധനകൾ തുടരും. അനധികൃത പ്രവർത്തനങ്ങൾ ശ്രദ്ധയിൽപ്പെട്ടാൽ റിപ്പോർട്ട് ചെയ്യണം.
Photo and News Source: Asianet News
