കടലിന്റെ അത്ഭുതലോകം നേരിട്ടറിഞ്ഞ ശാസ്ത്രജ്ഞയാണ് ഡോ. ദിവ്യ വിശ്വംഭരൻ. ആഴക്കടലിൽ 50 ശാസ്ത്രീയ മുങ്ങലുകൾ പൂർത്തിയാക്കിയ ഈ വനിത, സെൻട്രൽ മറൈൻ ഫിഷറീസ് റിസർച്ച് ഇൻസ്റ്റിറ്റ്യൂട്ടിലെ ഏക വനിതാ ഗവേഷക ഡൈവറുമാണ്.
തിരുവനന്തപുരം സ്വദേശിനിയായ ദിവ്യ, കർണാടക, കേരളം, ലക്ഷദ്വീപ് തീരങ്ങളിലെ ഓഫ്ഷോർ, പവിഴപ്പുറ്റ്, ദ്വീപ് ആവാസ വ്യവസ്ഥകളിൽ ഗവേഷണം നടത്തി. 40 മീറ്റർ ആഴത്തിൽ മുങ്ങി സമുദ്രജീവികളെയും മനുഷ്യ ഇടപെടലുകളെയും പഠിച്ചു.
പനങ്ങാട് ഫിഷറീസ് കോളേജിൽ പഠിക്കുമ്പോൾ നീന്തൽ പരിശീലനം നേടിയ ദിവ്യക്ക് വെള്ളം ഭയമില്ലായിരുന്നു. കാർഷിക സർവകലാശാല അധ്യാപകനായിരുന്ന പിതാവ് കെ. വിശ്വംഭരനും മാതാവ് രാധ ലക്ഷ്മിയും ദിവ്യയുടെ പിന്തുണക്കാരായിരുന്നു. ഭർത്താവ് റിനുവിന്റെയും മകളായ നൈപുണ്യയുടെയും സഹായവും ഗവേഷണത്തിന് ശക്തി പകർന്നു.
Photo and News Source: Kairali News
