ലിമെറിക്കിലെ അണ്ണാക്കോട്ടിയിൽ ബുധനാഴ്ച ഗാർഡ നടത്തിയ പരിശോധനയിൽ വൻതോതിലുള്ള മയക്കുമരുന്ന് കണ്ടുകെട്ടി. 643,000 യൂറോയുടെ മയക്കുമരുന്നുകളാണ് പിടിച്ചെടുത്തത്. ഇതിൽ 470,000 യൂറോ വിലമതിക്കുന്ന കഞ്ചാവും, 140,000 യൂറോ വിപണി വിലയുള്ള കൊക്കെയ്നും, 33,000 യൂറോ വിലമതിക്കുന്ന പ്രിസ്ക്രിപ്ഷൻ ഗുളികകളും ഉൾപ്പെടുന്നു.
മയക്കുമരുന്ന് ഇടപാടുകളുമായി ബന്ധപ്പെട്ട മറ്റ് ചില വസ്തുക്കളും കണ്ടെടുത്തു. സംഭവത്തിൽ മുപ്പതുകളിൽ പ്രായമുള്ള ഒരു പുരുഷൻ അറസ്റ്റിലായി. ക്രിമിനൽ ജസ്റ്റിസ് (ഡ്രഗ് ട്രാഫിക്കിംഗ്) ആക്ട് സെക്ഷൻ 2 പ്രകാരം ഇയാൾക്കെതിരെ കേസ് രജിസ്റ്റർ ചെയ്തു. പിടിച്ചെടുത്ത മയക്കുമരുന്നുകളെല്ലാം ഫോറൻസിക് പരിശോധനയ്ക്കായി അയർലണ്ടിലേക്ക് അയക്കുമെന്ന് ഗാർഡ അറിയിച്ചു.
Photo and News Source: Sathyam Online
